MENU

LOKAL NGA GOBIERNO SA BANWA SANG SAN ENRIQUE HANDA SA PAGBULIG SA MGA BIKTIMA SANG BUHAWI

  • at 10:23 pm
Share on facebook
Share on pinterest
Share on twitter
Share on print

Gin pausisa na ni Municipal Mayor Jilson Tubillara sa Department of Social Welfare and Development kun anu ang nagakadapat nga ibulig sa pamilya nga naapektuhan sa paglaslas sang buhawi sa apat ka mga barangay sa banwa sang San Enrique sadtong Domingo Hunyo 2.

Suno kay Tubillara nga handa maghatag sang bulig pinansiyal ang banwa, sa pamilya nga ang puluy-an lubos nga nahalitan sang kalamidad.

Naglaslas ang buhawi sa Barangay Baliwagan, Sibucao, Guintorilan, kag Batuan, sa diin tatlo ka mga puluy-an ang totally destroyed kag 16 pa ka iban ang nahalitan.

Dugang pa ni Tubillara, wala man sang gin-evacuate nga pamilya bangud nagbalik man ang mga ini sa ila puluy-an matapos magbubu ang ulan.

Magluwas sa mga puluy-an, nahalitan man sang buhawi ang mga kahoy, kag katubuhan. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

VG FERRER SA NAGAKATABO SA PDP-LABAN: NO COMMENT

April 24, 2024

Wala sang komento si Negros Occidental Vice Governor Jeffrey Ferrer sa ginahimo sang Partido Demokratiko Pilipino–Lakas ng Bayan (PDP–Laban) may kaangtanan sa 2025 nga midterm elections.

Suno kay Ferrer, indi siya magpahibalot sa proseso sang amo nga partido, bangud nagatutuk lamang ini sa nagapadayon nga koalisyon sang United Negros Alliance kag Love Negros.

Dugang pa ni Ferrer , ila gina abi-abi kun may ‘third force’ ukon ikatatlo gid man nga political party nga maga-entra sa arena sang pamolitika sa Negros Occidental.

Nagligad nga Abril 23, nagsumiter sang irrevocable resignation si Victorias City Vice Mayor Abelardo Bantug III kag siyam (9) ka mga konsehal sang syudad, bilang mga miyembro sang PDP-Laban.

Suno kay Bantug, wala sila ginkonsulta sa palayag ni PDP Laban’s Deputy Secretary General for Visayas Atty. Jayvee Hinlo, angot sa plano nga pagpili kay anay Victorias City Mayor Wantan Palanca bilang gubernatorial candidate sang partido sa Negros Occidental.

What’s your Reaction?
+1
0
+1
0
+1
0
+1
0
+1
0
+1
0
+1
0

COMELEC BACOLOD GINPAGWA NA ANG SCHEDULE SANG DUGANG NGA BARANGAY SATELLITE REGISTRATION

April 25, 2024

Ginpagwa na sang Comelec Bacolod ang schedule sang batch 2 sang satellite registration sa mga Barangay. Ginpahayag ni City Election Officer Atty. Kathrina Trinio-Caña, una nila nga padulungann sa Batch 2 ang Barangay Granada sa maabot nga Abril 27.

May registration ang Comelec Bacolod sa Handumanan sa Mayo 4, Barangay Sum-ag sa Mayo 11, Barangay Alangilan sa Mayo 18, Barangay Vista Alegre sa Mayo 25, Barangay Cabug sa Hunyo 1 kag Barangay Estefania sa Hunyo 8.

Suno kay Trinio-Caña, iban sa mga Barangay ang ila na nakadtuan antes ang Barangay kag SK Elections 2023.

Ginpahayag ni Trinio-Caña, nga may mga plano man nga magpatigayon sang satellite registration sa mga buluthuan sa pagbukas sang panibag-o nga school year.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.