LOLA ISKA NAGTALIWAN SA EDAD NGA 124

Share on facebook
Share on google
Share on pinterest
Share on twitter
Share on print

Nagtaliwan ang ginapatihan nga pinakatigulang nga persona sa bug-os nga kalibutan nga si Francisca Susano, sang Brgy. Camingawan, syudad sang Kabankalan.

Suno kay Merlene Susano, himata ni Lola Iska, pasado las 6:30 sini nga gab-i, Nobyembre 22 sang nagtaliwan si Lola Iska sa iya nga balay sa edad nga 124 anyos.

Pagpahayag ni Susano, wala man sang may ginabatyag nga balatian si Lola Iska kag mahimo bangud gid lamang sang katigulangon sini ang rasun sang iya kamatayon.

Ginsaysay pa ni Susano nga antis pa mam nabug-utan sang ginhawa si Lola Iska, ginpatawag nila ang iban pa nga mga himata.

Sa karun, wala pa nadesisyunan sang ila pamilya ang detalye sang haya kag pagpalubong kay Lola Iska.

Gin-ako naman ni Susano, nga sa ila impormasyon, wala nakapasar sa Guinness World Records bilang pinakatigulang nga buhi nga tawo ukon Oldest Living Person si Lola Iska bangud nga kulang ang papeles ukon dokumento sini.

Si Lola Iska ang nagselebrar pa sang iya nga ika-124 ka tuig nga kaadlawan sadtong Setyembre 11. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

14,920 DOSES SANG EXPIRED ASTRAZENECA VACCINES SA NEGROS OCCIDENTAL, WALA MAUSAR

14,920 doses sang AstraZeneca COVID-19 vaccines  ang wala  ma-usar sa Negros Occidental matapos nga mag-expire sang Nobyembre 30, 2021.

Suno  kay Provincial Administrator Atty. Rayfrando Diaz II, may ‘incident report’ na  nga ginsumiter si cold chain coordinator Dr. Claudelia Josefa S. Pabillo kay Department of Health Region (DOH) 6 Dir.  Dr. Adriano Subaan.

Ini  nga bakuna ang kabahin sa 45,300 doses sang AstraZeneca  nga nag-abot sa  probinsiya nagligad nga  Nobyembre 8. 

Dugang pa ni Diaz, madamo sang local government units (LGUs) ang nagpamalibad sa pagbaton sang AstraZeneca nga malapit na lamang mag-expire bangud sa mangin  epekto sini sa tawo nga bakunahan.

Suno kay Diaz, mas ginpakamaayo sang gobyerno  probinsiyal nga indi na ini pag-usaron bangud naganubo  ang vaccine effectiveness   sang bakuna nga dali na lamang mag-expire.

Sa karon ginseparar sa cold room sang Provincial Health Office ang ‘expired vaccines’ kag  natalana nga ibalik sa DOH. | Aksyon Marlon Genovea

What’s your Reaction?
+1
1
+1
0
+1
1
+1
0
+1
0
+1
0
+1
1

APAT KA TRAVELER HALIN SOUTH AFRICA NGA NAG ABOT SA NEGROS OCCIDENTAL, NEGATIBO SA COVID-19

Nagnegatibo sa COVID-19 ang tatlo  ka mga South African Nationals kag isa ka Returning Overseas Filipino (ROF) nga nag-abot sa Negros Occidental halin sa South Africa. 

Ini ang gin-anusiyo nga resulta  sang gobyerno probinsiyal , sa ginpatigayon  nga  RT-PCR swab test.

Ang tatlo nag-abot sa Negros Occidental nagligad  nga Nobyembre 25 matapos ginpaidalom sa 14 ka adlaw  nga quarantine sa Manila.  

Sila ang lunsay mga consultants sang power firm  nga nakabasi sa Negros  Occidental. 

Ang ROF nga taga banwa sang Pontevedra  ang nag-abot naman sa  probinsiya sang Nobyembre 26. 

Ang South Africa amo ang pungsod nga una naka-detect sang mas makalalaton  nga  Omicron Covid-19 variant. | Aksyon Marlon Genovea

What’s your Reaction?
+1
0
+1
0
+1
0
+1
1
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.