LOTTO RESULTS – NOVEMBER 20, 2023

DSB PNP MAY PANUGYAN SA MGA DRIVER MATAPOS ANG TRAHEDYA SA ANTIQUE

Nagpahanumdum sa publiko ang Don Salvador Benedicto PNP nga dapat yara sa maayo nga kondisyon ang ila nga mga salakyan kun magbyahe sa mga talakladon nga lugar.

Suno kay Police Major Rey Tolosa, hepe sang DSB PNP, kalabanan sa mga salakyan nga nagalabay sa banwa mga dalagko nga salakyan kag long distance ang byahe.

Aminado si Tolosa nga may nagaluntad nga aksidente nakaligad nga binulan ilabi na sa mga likuan kag talakladon nga dalan bangud indi sunado sang iban nga drivers ang dalanon.

Panugyan ni Tolosa, dapat kondisyon man ang driver agud makatutok sa pagmaneho kag maghinay gid sa pagpadalagan ilabi na kun bag-o lang nakalabay sa lugar.

Ang DSB PNP kag Land Transportation Office (LTO) ang masami nga nagapatigayon sang information dessimination campaign kag operations agud mabuligan ang mga motorista nga malikaw sa aksidente.

Nahibaloan, 17 ang patay, pito ang kritikal kag apat ka mga persona na ang yara sa istable nga kondisyon bangud sang natabo nga aksidente sa Hamtic, Antique.