SECTIONS

Today is:

LSI NGA SEAMAN SA BRGY PAHANOCOY, NAG POSITIBO SA COVID-19; DUHA KA BALAY, GIN LOCKDOWN

Share on facebook
Share on google
Share on pinterest
Share on twitter
Share on print

Gin-lockdown ang duha ka mga puluy-an sa Purok NHA Village 1, Barangay Pahanocoy syudad sang Bacolod matapos nagpositibo sa COVID-19 ang isa ka 29 anyos nga seaman nga nagapaidalom sa home quarantine.

Sa interview sang Aksyon Radyo Bacolod ginkumpirmar ni Barangay Kapitan Yolanda Noble nga kagab-i iya nabaton ang report kag resulta sang swab test sang isa ka seaman nga Locally Stranded Individual nga nagpositibo sa COVID-19.

Suno kay Noble, ang nagpositibo ang nagderitso pauli sa ila puluy-an sadtong Hunyo 16 sang aga kag wala nag-agi sa husto nga proseso sa pagpuli.

Ang nagpositibo ang nagsakay sa barko sang ila kumpaniya nga may ruta padulong syudad sang Bacolod.

Ini ang gikan sa probinsya sang Cebu kag nagatrabaho bilang seaman nga nagabiyahe inter-island sa pungsod Pilipinas.

Dugang pa ni Noble, ang Barangay Health Emergency Response Team (BHERT) ang nakadiskubre nga nagpauli sa ila puluy-an ang nagpositibo nga wala nag-abiso sa Barangay.

Gilayon nga gindala sa quarantine facility sa syudad sang Bacolod ang nagpositibo kag ginpaidalom sa swab test.

Ginklaro man ni Noble nga nag-ayo ang LSI nga magpaidalom lamang sa home quarantine kag ginpahanugutan lamang sang barangay matapos nga gin inspection ang iya balay.

Suno kay Noble, wala nakagwa ukon nakihalu-bilo sa iban nga tawo ang nagpositibo tungod nagtiner ini sa isa ka kwarto sa ika-duha nga panalgan sang ila puluy-an.

Pito tanan ka mga persona ang apektado sa ginpatigayon nga lockdown apang nagpasalig si Noble nga magahatag sang bulig ang barangay ilabi sa ila nga kalan-on.

Liwat naman nga nagapangayo sang bulig kag kooperasyon si Noble sa mga pumuluyo sang Barangay Pahanocoy paagi sa pagreport kun may mga bag-o nga nag-abot nga makabig PUM kag wala nagpahibalo sa barangay.

Ini ang pinakauna nga COVID-19 positive sa Barangay Pahanocoy. | Aksyon John Diaz

Last Updated on:

MORE STORIES:

ANU ANG IMO MA KOMENTO?

error: Ooops... You are not authorized to copy this content.