MAG-AMAY, PILASON SA AKSIDENTE SA MURCIA

Share on facebook
Share on pinterest
Share on twitter
Share on print

Pilason ang mag -amay bangud sa aksidente sa National road, Barangay Salvacion sa banwa sang Murcia, Biyernes sang gab-e, Disyembre 1.

Ang mga imbolbado nga salakyan amo ang Isuzu Truck nga ginamaneho ni Alexis Belonio kag Toyota Vios nga ginamaneho naman ni Arnel Blanza.

Suno kay Police Corporal Louie Marie Achurra, imbestigador sang Murcia PNP, ang pribado nga salakyan kag truck ang lunsay padulong sa West nga direksyon apang pagkalab-ot sa nasambit nga lugar nabunggo-an sang vios ang likod nga parte sang truck.

Wasak ang windshield sang auto rason sang pagkapilas sang driver kag sang menor de edad nga lalaki.

Palayag ni Achurra may yara na areglohanay sa tag-iya sang mga salakyan.

What’s your Reaction?
+1
0
+1
0
+1
0
+1
0
+1
0
+1
0
+1
1

PROTESTA KONTRA CHARTER CHANGE, GINPATIGAYON

Nagprotesta ang pila ka mga personalidad sa Negros Occidental kontta sa ginaduso nga charter change (chacha) kadungan sa ika-38 nga komemorasyon sang Edsa People Power kahapon Pebrero 25, 2024.

Ini ang ginpamunuan nanday Most Rev. Gerardo Alminaza, obispo sang Diocese of San Carlos kag anay Governor Rafael Coscolluela.

Kapin 700 ka mga indibidwal halin sa multi-sectoral nga grupo ang nag-martsa halin sa Lagoon pakadto sa dalan Gonzaga atubang sang BCGC replica.

Suno kay Alminaza, imbes nga chacha, dapat tutukan sang mga lideres sang nasyon ang peacebuilding kag sulbaron ang armed conflict.

Dugang pa sang obispo, ang People’s Coalition for Democracy Negros ang nagapanawagan man sa mga Filipino nga ibasura ang anu man nga agenda sang chacha kag ipabilin ang legasiya sang people power.

What’s your Reaction?
+1
0
+1
0
+1
0
+1
0
+1
0
+1
0
+1
0

KAPIN 1M NGA BULIG PINANSYAL GINHATAG SANG DSWD SA NA APEKTUHAN SA EKWENTRO SA ESCALANTE KAG TOBOSO

Kapin P1 million pesos nga bulig pinansiyal ang ginhatag sang Department of Social Welfare and Development (DSWD) Field Office VI – Disaster Response Management Division sa mga Internally Displaced Individuals nga naapektohan sang armed conflict sa boundary sang Escalante kag Toboso, Negros Occidental.

Suno kay DSWD Region 6 Director Atty. Carmelo N. Nochete, nabalaka ang ila departamento sa trauma nga gintuga sang sunod-sunod nga lupok , sa mga pamilya ilabi na sa mga kabataan. Basi sa report sang Local Social Welfare Office sang Escalante kag Toboso, 268 ka mga pamilya nga may 1,092 ka mga individual ang apektado.

240 ka mga pamilya nga may 980 ka mga indibidwal ang nagtener sa mga evacuation centers.

Gin-usisa man sang DSWD personnel ang mga evacuees agud mahibaluan ang ila mga isyu kag concerns sa sulod sang evacuation center.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.