SECTIONS

Today is:

MAG-ASAWA NGA YULO NAGDANGOP SA DILG-NATIONAL

Share on facebook
Share on google
Share on pinterest
Share on twitter
Share on print

Nag pangayo sang bulig ang pamilya ni Moises Padilla Vice Mayor Ella Garcia Yulo sa Department of Interior and Local Government ukon DILG nga gin pangunahan ni Undersecretary for barangay affairs Martino Diño.

Sa press conference nga gin patigayon sini nga aga,Setyembre 5 sa L’Fisher hotel sa siudad sang Bacolod yara ang presensya sang utod ni Vice Mayor Yulo nga si Jose Marcelino Garcia.

Suno kay Garcia, wala sang plano nga mag palagyo ang iya utod kag ang iya bayaw apang nagakabalaka lang sila sa seguridad.

Dugang pa, ini man ang rason kon ngaa sa DILG national sila nag padulong kag nag pangayo sang bulig bangud kon diri lang sa Negros, indi gid sila makasalig.

Suno kay Garcia, bag-o pa man gin papanaugan sang Warrant of Arrest ang mag-asawa naka padulong na ang ila pamilya sa DILG.

Dugang pa, nag panago ang iya utod nga si Vice Mayor Ella bangud nahadlok ini sa ila seguridad kag indi kahadlok sa kon ano man ang ila paga atubangon.

Suno kay Garcia, nagapanguna nila nga prioridad ang seguridad sang mag-asawa kag ika duha na ang gin file nga kaso.

Wala man gin palayag kon san-o kag sa diin ma surrender ang mag asawa ng Yulo.

Last Updated on:

MORE STORIES:

ANU ANG IMO MA KOMENTO?

error: Ooops... You are not authorized to copy this content.