MENU

MAG ASAWA PATAY SA PAGPANGLUTHANG SA SAGAY; PAGPANGIMON GINATAN-AW NGA MOTIBO SANG KRIMEN

  • at 12:58 am
Share on facebook
Share on pinterest
Share on twitter
Share on print

By: Aksyon Ann Defensor -Lisay | via Firing Line| September 17, 2022

Patay ang mag asawa matapos ginluthang samtang nagapapuli sa Purok Cesco, Barangay Rafaela, syudad sang Sagay las 06:15 sang gab-i, Sabado.

Ang napatay ginkilala nga sanday Hanna Grace kag Norberto Bukaling samtang, ginkilala ang suspetsado sa kay alyas Niño Andrin.

Sa interview sa Aksyon Firing Line, ginpahayag ni Police Major Roberto Indiape Jr., hepe sang Sagay City PNP nga ginsundan papuli sang suspetsado ang mag asawa.

Pag abot sa lugar, ginbungguan ni Andrin ang motorsiklo sang mga biktima rason nga natumba kag didto na ginhimo ang pagtiro.

Ginkumpirmar man ni Indiape nga upod  sang mag-asawa ang ila bata nga apat ka tuig nga wala sang ano man nga pilas nga naagom.

Nadakpan si Andrin sa iya balay bangod positibo ini nga ginkilala sang mga testigo apang ang natungdan, nanginwala sa akusasyon.

Sa karon, priso sa custodial facility sang Sagay City PNP si Andrin kag natalana ipaidalom sa parrafin test.

Samtang, pagpangimon ang ginalantaw nga motibo sang krimen.

What’s your Reaction?
+1
0
+1
0
+1
0
+1
0
+1
0
+1
0
+1
0

COUNCILOR SAYSON MAY PAATHAG SA 35M NGA PONDO SANG SAFETY SEAL ORDINANCE

September 25, 2023

Ginpahayag ni Councilor Jude Thaddeus Sayson, chair sang committee on finance and appropriation, nga ‘budgetary requirement’ lamang ang 35 milyones pesos nga pondo sa pagpatuman sang Safety Seal Ordinance sang LGU.

Ini ang gin aprubahan nga ordinansa sang konseho sa tuyo nga malikawan ang pagpameke sang dokumento magluwas pa sa ginabutang nga QR code.

Sa press conference, Lunes, ginpahayag ni Sayson, indi lamang isa ka tranche ang pagpatuman sang 35 milyones pesos kundi depende sa available nga pondo sang syudad.

Suno kay Sayson, income-generating man ang ordinansa kag mabawi man sang LGU ang ginusar nga pondo bangud baklon sang publiko ang safety seal.

Una na nga ginpahayag ni Councilor Al Victor Espino, author sang ordinansa, nga 50 pesos ang balor sang safety seal.

Ginpaathag ni Sayson, nga nag adapt lamang ang LGU sa sini nga ordinansa bangud ang safety seal ang ginapatuman naman sang gobyerno nasyunal kaangay sang DILG.

Suno pa sa Konsehal, masiguro sang publiko nga authentic ang dokumento kon ini ang may safety seal nga indi masunod kag indi magisi.

What’s your Reaction?
+1
0
+1
0
+1
0
+1
0
+1
0
+1
0
+1
0

BACOLOD TARGET MABAYARAN ANG MGA SUPPLIER SA SULOD 30 DIAS MATAPOS ANG DELIVERY

September 25, 2023

Target nga mabayran sang Bacolod LGU ang mga supplier sa sulod sang 30 dias matapos nga madeliver ang ila ginasupply sa syudad.

Ini ang isa sa mga gintalakay sa ginaduso 3.6 bilyones pesos sa masunod nga tuig sa budget deliberation ni Mayor Albee Benitez kaupod ang mga konsehal kag mga department head sang weekend.

Sa press conference, Lunes, ginbulgar ni Mayor Albee Benitez, nga naglambot sa iya impormasyon nga may mga supplier nga indi na luyag nga magpasakop sa bidding bangud nagaka delay nga pagbayad sang LGU.
Suno sa Alkalde, may mga supplier nga nagadugang sang cost of money ukon interest sang duha ukon tubtob tatlo ka bulan.

Ginehemplo man ni Benitez, nga may supplier sang 2020 nga transaksyon, ang karon gapanukot pa sa syudad.

Ginpahayag ni Mary Jean Ramos, City Planning and Development Officer sang LGU, nga may internal audit ang syudad nga gintugyanan para masiguro nga masunod ang 30 dias nga pag proseso sang bayad sa tuyo nga mapanubo sang syudad ang purchase request.

Ginatan-aw sang mga opisyal nga makakinot ang syudad sa sini nga sistema.

Samtang, ginpahayag ni Benitez nga sa una nga semana sang Oktubre iya igasumiter ang budget proposal sa SP.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.