MAG-ILOY PATAY SANG NATUMBAHAN SANG TRUCK ANG ILA BALAY; DRIVER GIN ALEGAR NAKAINOM

Share on facebook
Share on google
Share on pinterest
Share on twitter
Share on print

Patay ang mag-iloy matapos natumbahan ang ila balay sang isa ka ten-wheleer truck sa Purok Amorabita, Brgy. Antipolo banwa sang Pontevedra pasado la una sang kaagahon, Martes, Enero 14.

Dead on the spot si JR Cordero kag ginbawi-an sang kabuhi ang  iloy sini nga si Ermie Cordero, 58 anyos samtang ginabulong sa hospital.

Suno kay Police Corporal Genesis Beñas, imbestigador sang Pontevedra PNP, gindala man sa hospital ang driver sang truck nga si Henry Salgado Sr, 46 anyos samtang yara naman sa kustodiya sang police station ang walo ka tuig sini nga bata nga lalaki nga upod niya sa pagbiyahe.

Nahibaloan, naglapaw sa gina usoy nga dalan kag nagderitso sa puluy-an sang pamilya Cordero ang truck sa diin, maswerte nga nakaluwas isa pa ka bata ni Ermie nga si Leona Cordero, 12 anyos. 

Nagtuad sa Pontevedra PNP ang bata sang driver nga naka-inom ang iya amay antis pa man nagbyahe.

Suno kay Beñas, ila pa ginakuha ang dugang nga panuaron sang bata nga nagaserbi helper, agud mahibal-an ang posible rasun sang aksidente. | Aksyon Eden Aboso, Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

MENOR DE EDAD PATAY SANG MAKURYENTE SA BAGO CITY

Patay ang 17 anyos nga menor de edad matapos makuryente samtang ginahimo ang iya trabaho bilang pahinante sang trailer truck.

Sa interview sa Aksyon Hotline, ginpahayag ni Senior Master Sgt. Job Ogaris, Chief Investigator sang Bago City Police Station, las 5:45 sang hapon kahapon, Lunes, Hunyo 27 sang nakabaton sila sang report nga may nakuryente sa Purok Michelle, Brgy. Dulao Bago City.

Ang biktima ginkilala kay John Lloyd Buenaflor.

Sa inisyal nga imbestigasyon sang kapulisan, si Buenaflor ang naga-assist sa backhoe nga ginamaneho ni Reynan Martinez sang natabo ang insidente.

Suno kay Ogaris, naga-assist si Buenaflor sa kay Martinez agud ikarga ang backhoe sa trailer truck, lipod sa ihibalo ni Martinez, nalambot sini ang main line sang CENECO sa diin ginapatihan naglatay ang kuryente padulong sa trailer truck bagay nga gintunaan sang pagka-kuryente sang menor de edad.

Ginhingagaw pa ini nga madala sa hospital apang las 7 lunes sang gab i, ini siya ang gindeklarar nga nagtaliwan na.

Ang pamilya sang menor de edad ang nakahibalo na angot sa insidente. | Aksyon Dorel Cabatu via Aksyon Hotline

What’s your Reaction?
+1
0
+1
0
+1
0
+1
0
+1
0
+1
0
+1
0

TRUTH COMMISSION GINKWESTYON ANG 1.5B NGA TRANSAKSYON SANG OUTGOING ADMINISTRATION

Gin red flag ukon ginakwestyon sang Truth Commission ang masobra 1.5 billion pesos nga transaksyon sang outgoing administration.

Ini ang gin anunsyo ni Atty. Lyzander Dilag, spokesman ni Mayor-elect Albee Benitez, sa pinakauna nga press conference sang Truth Commission kaina sang hapon, Martes, Hunyo 28.

Nag atubang man sa press conference ang resource person nga si Marilou D. Reyes, isa ka retired state auditor.

Ginpahayag ni Reyes, ang 1.5 billion nga ila gin red flag ang base sa annual audit report sang Commission on Audit (COA) humalin 2017 tubtob 2020.

Base sa datus nga ginpresentar sa media, lakip sa ginakwestyon ang cash grants kag cash advances, landfill facilities kag sanitation services, construction in progress accounts, local disaster risk reduction and management fund, supplies inventory accounts, emergency funds, unimplemented projects kag weakness in recording and monitoring.

Ginklaro ni Reyes, nga iban nga mga finding ang posible na address na, iban ang wala pa napatuman ukon iban ang partially implemented.

Ginpahayag ni incoming City Administrator Pacifico “Boyet” Maghari III, nga indi lamang limitado sa walo ka mga item ang pagpangusisa sang Truth Commission.

Suno kay Maghari, ang walo ka item ang mga indicator pa lamang kag kinahanglan pa sang maidid nga verification.

Dugang pa ni Maghari, padayon man ang ila pagbaton sang report halin sa publiko kag pagtipon sang iban pa nga dokumento sa tion nga maglab-ot na sa komitiba. Ginpahayag naman ni Atty. Lyzander “Bong” Dilag, spokesman ni Mayor-elect Albee Benitez, luyag lamang sang bag-o nga administrasyon sang matinlo, madasig kag mabinungahon nga panggobyerno.

Suno kay Dilag, ginaduso man sang bag-o nga administrasyon nga mauntat ang endemic kag systemic corruption kag makapatuman sang nagakaigo nga mga measure.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.