MENU

MAG-UTOD NGA LALAKI, NASAPWAN NGA PATAY SA LA CASTELLANA

  • at 8:42 am
Share on facebook
Share on pinterest
Share on twitter
Share on print

Nasapwan nga patay ang mag-utod nga lalaki sa nabukid nga bahin sang Barangay Cabacungan, banwa sang La Castellana las 8 sang aga, Biernes (Nobyembre 17).

Ang mga biktima ang ginkilala nga sanday Jason Moreno, 29 anyos kag Lito Moreno, 22 ang edad kag pareho nga residente sang Brgy. Nilothangan, syudad sang Canlaon.

Madalom nga pilas sa ulo kag lawas ang naangkon ni Lito kag pilas naman sa dughan ang naangkon ni Jason.

Pagpahayag ni Josela Zerrudo, live-in partner ni Jason, Mierkoles sang hapon (Nobyembre 15) sang ginpabalo siya sang utod sang mga biktima nga may nagluntad nga komosyon kag nabun-an sanday Jason kag Lito.

Wala naman nagpanugid ang utod sang mga biktima sa lugar sang insidente.

Nagapati si Zerrudo nga ang bayaw sang mga biktima ang responsable sa krimen.

What’s your Reaction?
+1
0
+1
1
+1
0
+1
0
+1
0
+1
1
+1
0

UKAY-UKAY PAGATUGUTAN SA DALAN ARANETA SA ENERO 1, 2024

December 6, 2023

Liwat magaplastar ang mga nagakalain-lain nga ukay-ukay vendors sa dalan Araneta sa downtown area sa Enero 1, 2024.

Nagpadala na sang pangabay ang mga asosasyon sa Sangguniang Panlungsod para makabaligya sa dalan Araneta.

Suno kay Councilor Celia Flor, chair sang committee on market, gin accept pa lamang sang iya komitiba ang pangabay kag ini ang talakayon pa sang Local Market Committee.

Pero suno kay Flor, good as approved na ang pangabay matapos nga iya naman napabalo si Mayor Albee Benitez.
Ginpaathag ni Flor, masami na nga gina aprubahan sang konseho ang ini nga pangabay bangud holiday man, wala sang traffic kag ini ang opportunidad nga makabaligya kag maka income ang mga negosyante.

Nagpangabay si Flor sa mahatagan sang special permit nga ipabalin ang katinlo sang ila lugar sa Enero 1.

What’s your Reaction?
+1
0
+1
0
+1
0
+1
0
+1
0
+1
0
+1
0

DSB PNP MAY PANUGYAN SA MGA DRIVER MATAPOS ANG TRAHEDYA SA ANTIQUE

December 6, 2023

Nagpahanumdum sa publiko ang Don Salvador Benedicto PNP nga dapat yara sa maayo nga kondisyon ang ila nga mga salakyan kun magbyahe sa mga talakladon nga lugar.

Suno kay Police Major Rey Tolosa, hepe sang DSB PNP, kalabanan sa mga salakyan nga nagalabay sa banwa mga dalagko nga salakyan kag long distance ang byahe.

Aminado si Tolosa nga may nagaluntad nga aksidente nakaligad nga binulan ilabi na sa mga likuan kag talakladon nga dalan bangud indi sunado sang iban nga drivers ang dalanon.

Panugyan ni Tolosa, dapat kondisyon man ang driver agud makatutok sa pagmaneho kag maghinay gid sa pagpadalagan ilabi na kun bag-o lang nakalabay sa lugar.

Ang DSB PNP kag Land Transportation Office (LTO) ang masami nga nagapatigayon sang information dessimination campaign kag operations agud mabuligan ang mga motorista nga malikaw sa aksidente.

Nahibaloan, 17 ang patay, pito ang kritikal kag apat ka mga persona na ang yara sa istable nga kondisyon bangud sang natabo nga aksidente sa Hamtic, Antique.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.