MAG-UTOD PILASON MATAPOS GINBUNO SA GWA SANG ILIMNAN SA VICTORIAS CITY

Share on facebook
Share on pinterest
Share on twitter
Share on print

Pilason ang duha ka mag-utod matapos ginbuno sa gwa sang isa ka ilimnan sa Brgy. 5, syudad sang Victorias las 12:05 sang kaagahon kahapon, Hulyo 31.

Ang mga biktima amo sanday Jerry Boy Aranego, 18 anyos kag Carlo Aranego, 21 anyos kag pareho nga residente sang Hacienda Caridad, Brgy 14, syudad sang Victorias.

Samtang, ang suspetsado ang ginkilala naman kay Tito Malacao, 34 anyos sang Barangay Mansilingan, syudad sang Bacolod kag nagatrabaho bilang isa ka construction worker.

Suno kay Police Major Joy Ellaga, Deputy Chief of Police sang Victorias City PNP, temprano pa nagsugod na sa pag-inom ang tatlo ka mga imbolbado sa krimen.

Mahimo nagsinuyaay ang mga biktima kag ang suspetsado bangud sang isa ka babaye.

Lipod sa ihibalo sang mga biktima nga sila ang ginbantayan sang suspetsado sa gwa sang ilimnan kag didto ginbuno ang mag-utod nga Aranego.

Pilas sa nagkalain-lain nga lawas ang naangkon sang mag-utod kag karun ginabulong sa Teresita Lopez Jalandoni Provincial Hospital sa syudad sang Silay.

Ang suspetsado naman nga si Malacao ang ginpasakaan na sang kaso nga frustrated homecide.

What’s your Reaction?
+1
0
+1
0
+1
0
+1
0
+1
0
+1
1
+1
1

MORE STORIES:

LIKE US ON FACEBOOK

error: Ooops... You are not authorized to copy this content.