MANGUNGUMA, PATAY SA PAGPANIRO SA HIMAMAYLAN

Share on facebook
Share on pinterest
Share on twitter
Share on print

Patay ang isa ka mangunguma matapos gin tiro sang wala pa makilala nga suspek sa may Sitio Manubutubu, Brgy. Mahalang syudad sang Himamaylan takna las 9:20 sang aga, sang Myerkules, Enero 18.

Gin kilala ang biktima sa kay Dominggo Bustillo, 52 anyos, kasado kag residente sang nasambit nga lugar.

Base sa inisyal nga pagpangusisa sang Himamaylan PNP, ginpagayag sang saksi, gin padulungan ni Bustillo ang gin ani sini nga humay sang hinali ini siya nga gin paarakan tiro sang wala pa makilala nga suspek nga amo gin tunaan sang iya nga kamatayon.

Matapos sining krimen, nagpalagyo ang tig luthang sa wala pa matumod nga direksyon.

Ang bangkay ni Bustillo ang yara karon sa isa ka punerarya dira sa Himamaylan kag nakatalana nga iga paidalom sa post mortem examination.

Narekober sang otoridad sa crime scene ang tatlo ka mga fired cartridges sang kalibre 45 nga armas luthang, isa ka itom nga holster kag isa ka white empty sack ukon puti nga sako nga wala sang unod.

Sa karon, komplikto sa duta ang ginatan—aw nga motibo sa likod sang krimen. | Aksyon VJ Apacible

What’s your Reaction?
+1
0
+1
0
+1
0
+1
0
+1
0
+1
0
+1
0

KAPIN 1M NGA BULIG PINANSYAL GINHATAG SANG DSWD SA NA APEKTUHAN SA EKWENTRO SA ESCALANTE KAG TOBOSO

Kapin P1 million pesos nga bulig pinansiyal ang ginhatag sang Department of Social Welfare and Development (DSWD) Field Office VI – Disaster Response Management Division sa mga Internally Displaced Individuals nga naapektohan sang armed conflict sa boundary sang Escalante kag Toboso, Negros Occidental.

Suno kay DSWD Region 6 Director Atty. Carmelo N. Nochete, nabalaka ang ila departamento sa trauma nga gintuga sang sunod-sunod nga lupok , sa mga pamilya ilabi na sa mga kabataan. Basi sa report sang Local Social Welfare Office sang Escalante kag Toboso, 268 ka mga pamilya nga may 1,092 ka mga individual ang apektado.

240 ka mga pamilya nga may 980 ka mga indibidwal ang nagtener sa mga evacuation centers.

Gin-usisa man sang DSWD personnel ang mga evacuees agud mahibaluan ang ila mga isyu kag concerns sa sulod sang evacuation center.

What’s your Reaction?
+1
0
+1
0
+1
0
+1
0
+1
0
+1
0
+1
0

PAGTUKOD SANG ISTRAKTURA SA DANGER AREAS SA SINGCANG-AIRPORT, GINADILIAN

Ginadilian na ang pagtukod sang balay ukon istraktura sa Barangay Singcang-Airport sa mga ginakabig danger areas, public land ukon private land nga wala sang pahanugut sa gobyerno.

Ini ang base sa Barangay Ordinance nga gin aprubahan sang Singcang-Airport council.

Base sa facebook post ni kapitan Atty. Caesar Distrito, cover sang ordinansa ang mga danger areas kaangay sang baybay, kilid sang suba, kilid ukon sa babaw sang mga kanal, drainage, creek, estero, dalan, pathway, footwalk, ukon ano man nga public land ukon private land nga wala sang permiso sang barangay.

Ginpaathag ni Distrito, kinahanglan una nga magpangayo sang clearance halin sa Barangay antes magpakay-o ukon magpatindog sang istraktura.

Suno sa Kapitan, ang mga nasambit nga balay ukon istraktura amo ang nagabalabag nga ginatunaan sang pagbaha kag nagabutang sa peligro sang tawo.

Ginatugyan ni Distrito sa mga opisyales sang purok ang pagbantay kag mag report kon may illegal structure sa ila nga lugar.

Magapapanaug ang Barangay sang notice to stop kag pagkakas sang illegal structure kon may bayolasyon, kag kon indi makakas sa sulod sang 24 oras, ang Barangay na ang maguba sang istraktura.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.