MANGUNGUMA, PATAY SANG GINBUNO SANG AMAY SANG BABAYE NGA IYA TUYO HIMUSLAN SA SAN CARLOS

Share on facebook
Share on pinterest
Share on twitter
Share on print

Patay ang isa ka mangunguma matapos ginbuno sang amay sang babaye nga iya tuyo kun tani himuslan sa Purok Caimito, Barangay Quezon, syudad sang San Carlos pasado las 7 kagab-e, Enero 15.

Ang biktima ang ginkilala kay Jesus Manaytay, 34 anyos, kag soltero.

(San Carlos PNP Photo)

Samtang, ang suspetsado naman ang ginkilala kay Vicente Bandoy Jr., 60 anyos.

Sanday Manaytay kag Bandoy ang pareho nga residente sang Purok Caimito, Barangay Quezon, sa amo man nga syudad.

Suno kay Police Lt. Col. Jesus Mesahon Jr., hepe sang San Carlos City PNP, naga-inom sang makahulubog nga ilimnon ang duha ka mga imbolbado sa krimen sa balay mismo sang suspek.

Ginpahayag ni Mesahon nga na-obserbaran na sang suspek nga malain ang panulok sang biktima sa iya bata nga babaye samtang sila naga-inom.

Las 7 sang gab-e sang nagpadulong sa CR si Manaytay kag ginlihog sini ang bata sang suspek nga magkuha sang kabo.

Natingala na lamang si Bandoy nga wala makabalik si Manaytay sa lamesa nga ila gina-imnan kag sang ginlantaw niya ang CR nakita na lamang niya nga ginahakos na sang biktima ang iya nga bata.

Bangud sang kaakig, ginbuno ni Bandoy si Manaytay sang anum ka beses sa likod nga gintunaan sang iya nga kamatayon.

Priso karun si Bandoy sa custodial facility sang San Carlos City Police Station. | Aksyon John Diaz

What’s your Reaction?
+1
3
+1
0
+1
1
+1
4
+1
0
+1
1
+1
0

KABANKALAN PNP BLANGKO PA SA SUSPEK SA PAGPATAY SA DUHA KA LALAKI

Blangko pa Kabankalan City PNP sa identity sang suspetsado sa pagpatay sa mag-abyan nga sanday Erwin Colorado kag sa 16 anyos nga soltero matapos makapila ka beses nga ginbuno tubtub napatay Byernes nga adlaw, sa Purok Pili, Brgy 6, syudad sang Kabankalan.

Suno kay PCapt Dennis Melgarejo, deputy Chief of Police sang Kabankalan PNP nga sa inisyal nga pagpangusisa, antis natabo ang insidente, ulihi nga nakaupod sang duha ka mga biktima ang isa pa nila ka abyan nga karon ginakonsiderar nga person of interest.

Dugang pa ni Melgarejo, wala na sa barangay Biniquil ang abyan sang mga biktima matapos natabo ang pagpatay.

Ginpahayag man Melgarejo nga sa ikaduha nga tion, liwat naman napaslawan ang kapulisan matapos wala naabtan kagab-i sa banwa sang Isabela ang ila person of interest nga ginapatihan nagpalagyo pila lamang agwat antes ang pag abot sang kapulisan.

Nagapabilin nga blanko sa motibo sa pagpatay. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI NGA MAY DALA NGA ARMAS LUTHANG SA SAN CARLOS, GINDAKOP

Nahunong karon sa custodial facility sang San Carlos City Police Station ang 41 anyos nga lalaki matapos nakuhaan sang armas sa San Juan/Bonifacio, Brgy. 5, syudad sang San Carlos las 12:10 sang kaagahon, Enero 28.

Ang nadakpan ginkilala kay Expedito Sayon kag residente sang Prk Agulang, Barangay Villegas, syudad sang Guihulngan, Negros Oriental.

Nagapatigayon sang mobile patrol ang grupo ni Police Master Sgt Rosendo Rosagazo Jr. kag nakita nga nagalabaw sa sling bag ni Sayon ang handle sang armas ni Sayon kag sang gin usisa, nakita ang isa cal. 38 revolver kargado sang 5  ka mga bala.

Si Sayon ang nagapangatubang sang kaso paglapas sa RA 10591 ukon paghupot samg ilegal nga armas.  | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
1
+1
0

MORE STORIES:

LIKE US ON FACEBOOK

error: Ooops... You are not authorized to copy this content.