MANILA WATER NAG BAKAL SANG ILLEGIBILITY DOCUMENTS PARA SA JOINT VENTURE

Share on facebook
Share on pinterest
Share on twitter
Share on print

Gin kumpirmar ni BACIWA Assistant General Manager for Operation Engr. Jenelyn Gemora nga may yara na sang isa ka kumbuyahan nga nagpakita sang interes sa pag sulod sa Joint Venture Project sa Water District.

Suno kay Gemora, damlag lang nagbakal sang Illegibility documents ang Manila Water Company Incorporated nga gina pa ah-iyahan sang Ayala Corporation bilang importante nga requirement sa pag determinar sa kapabilidad sang amo nga kumbuyahan.

Dugang pa ni Gemora, sa palabuton na nga Oktubre 28 mahibaluan ang resulta sang amo nga proseso.

Dugang pa sini, sa tion nga pasado sa amo nga requirement ang Manila Water kinahanglanon pa sini nga magbakal sang panibag-o nga dokumento para sa naman sa naga kaigo nga bidding process sa tion nga ini ang kwalipikado.

Naga pati si Lourgeline Alpers convenor sang Amlig Tubig nga wala na sang tsansa pa nga maka sulod sa joint venture project ang Manila Water.

Suno kay Alpers, umpisa pa lang sang proseso sa amo nga proyekto maathag na nga gina paboran sang water district ang amo nga kumbuyahan bangud sa kawad-on sang naga kaigo nga tranparency.

Dugang pa ni Alpers magluwas sa gina paabot nga Congressional inquiry sa amo nga proyekto gina konsiderar man sang ila nga grupo ang paghimo sang legal nga aksyon sa palaabuton.

Liwat man sini nga gina panugyan sa mga konsumidor nga dapat hibaluon ang kamatuoran sa likod sang amo nga proyekto nga gina patihan padulong sa lihok sang privatization. | Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.