MARTIR NAGPASIGURO NGA WALA GINAPABAY-AN ANG MGA KASO SANG PAGPANIRO SA BACOLOD

Share on facebook
Share on google
Share on pinterest
Share on twitter
Share on print

Ginpasalig ni Bacolod City Director Police Col. Thomas Joseph Martir ang publiko nga wala nila ginapabay-an ang mga kaso sang pinatyanay sa syudad sang Bacolod.

Kasunod ini sang siyam ka mga kaso sang shooting incident nagluntad sa syudad sang Bacolod sini nga bulan sang Hunyo.

Suno kay Martir, sini nga semana posible mapasaka nila ang kaso sa pagtiro sa barker sa Purok Langis Barangay Banago kag ang pagtiro sang trisikol driver sa likod sang Dragon Lodge Brgy. Singcang Airport syudad sang Bacolod.

Dugang pa ni Martir, kalabanan sa mga biktima sang pagluthang ang may angot sa druga.

Sining karon lang nakabaton sang mando si Martir kay PNP Regional Director Police B/General Flynn Dongbo nga pabakuron ang police visibility patrol kag check-point operation sa mga motor nga kalabanan ginagamit sa kremin.

Ginmando man ni Dongbo kay Martir nga hatagan solusyon ang sunod-sunod nga pinatyanay sa syudad sang Bacolod. | Aksyon Eric Magbanua

What’s your Reaction?
+1
0
+1
0
+1
0
+1
0
+1
0
+1
0
+1
0

PINAKAUNA NGA EXECUTIVE ORDER NI BENITEZ AMO ANG PAGTUKOD SANG TRUTH COMMISSION – INCOMING CITY ADMINISTRATOR

Ginpahayag ni incoming City Administrator Atty. Pacifico “Boyet” Maghari III, nga ang truth commission ang pagabug-usan sang tatlo ka mga miembro.

Ginpahayag ni Maghari, nga natalana mag papanaug si Mayor-elect Albee Benitez sang pinakauna sini nga Executive Order nga nagatukod sang amo nga komisyon nga posible magwa sa Hulyo 1.

Ginkumpirmar ni Maghari nga ang komisyon ang pamunuan ni incoming City Legal Officer Romeo Carlos Ting Jr., siya bilang City Administrator kag isa pa ka wala mahingadlan.

Suno kay Maghari, maga kuha man sila sang consultants kag resource persons nga magagiya sa Truth Commission kag para mapatuman ang mga function sini base sa mando sang Alkalde.

Ginklaro ni retired state auditor Marilou Reyes, nga indi pa siya miembro sang Truth Commission bangud ini ang pagabug-usan sang organic nga miembro sang City Hall.

Sa nahibaluan, tinutuyo sang Truth Commission nga mausisa ang mga transaksyon sang outgoing administration kag para indi masulit ang mga sala kag para sa matinlo nga panggobyerno.

What’s your Reaction?
+1
0
+1
0
+1
0
+1
0
+1
0
+1
0
+1
0

CAUCUS SANG MGA MIEMBRO SANG 11TH COUNCIL PATIGAYUNON SA HULYO 4

Gintalana sa Hulyo 4 ang caucus nga patigayunon sang magabug-os nga miembro sang 11th Council sang Sangguniang Panlungsod sa syudad sang Bacolod.

Ginpahayag ni Vice Mayor El Cid Familiaran, duha ka adlaw antes ang una nila nga session sa Hulyo 6, magasapol ang mga konsehal para mahibaluan ang mga committee assignments.

Suno kay Familiaran, indi nila luyag nga sa una pa nga session magabinotohay para sa mga chairmanship.

Dugang pa ni Familiaran, base sa tradisyon, ang majority amo ang may puder nga magpili sang komitiba samtang ang nabilin ang pagatungaon sang mga konsehal nga yara sa minority.

Ginpaathag sang bise-alkalde, nga paga aprubahan man nila ang daan nga internal rules pero pwede nga ma amyendahan sa sulod sang 90 dias.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.