MASOBRA 46K NAKAPAREHISTRO NA SA COMELEC SA BACOLOD KAG NEG OCC

Share on facebook
Share on pinterest
Share on twitter
Share on print

Amat-amat na nga nagadamo ang nagaparehistro sa mga talatapan sang Commission on Election (COMELEC) Negros Occidental kag syudad sang Bacolod samtang nagahilapit ang voter registration deadline, sa barangay kag Sangguniang Kabataan (SK) elections.

Sa datos nga ginpresentar ni Comelec Provincial Supervisor Atty. Ian Lee Ananoria tubtub Enero 14, 2023, may 46,119 na ang kabug-usan nga nagparehistro sa diin 35,801 sa mga ini sa Negros Occidental kag 10,318 sa Bacolod.

Nagsaka ang kadamuon sang mga nagparehistro umpisa week nos. 4,5 kag 6. Magluwas sa Bacolod, ang syudad sang San Carlos ang may pinakadamo man nga nagparehistro nga may 2,484.

Ini ang ginasundan sang Silay – 1,846, Murcia – 1,633, Bago – 1,373, kag Pontevedra – 1,190.

Nagsugod ang rehistrasyon Desyembre 12, 2022, samtang sa Enero 31, 2023 naman ang deadline.

Patigayunon ang eleksyon sa Oktubre 30, 2023. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.