Narekober ang 748,000 pesos nga balor sang ginapatihan shabu sa buy-bust operation sang Philippine Drug Enforcement Group (PDEG) kaupod ang Police Station 6 sa dalan Ferrero, Barangay 12, syudad sang Bacolod, Sabado.
Ginkilala ang subject sang operasyon nga si Gomer Beloya, 46 anyos, kag ang ginapatihan nangayaw sa lugar nga si Melvin Generoso, 41 anyos, residente sang Kadalag-an Village ,syudad sang Victorias.
Sa inventory sang otoridad, nakuha ang 22 ka bulto sang suspected shabu naga bug-at 110 grams balor 748,000 lakip na ang buy-bust item, kag 1,000 pesos nga buy-busy money.
Ginpahayag ni Kap Ely Alcanatara, nga residente sang Barangay 12 si Beloya kag manugbaligya sang isda.
Suno kay Alcantara, sa iya nga impormasyon, sadto nadakpan man bangud sa droga si Beloya kag nagbalik sa ilegal nga buluhaton.
Indi naman kilala ni Alcantara si Generoso nga nangayaw sa lugar.