MENU

MASS WEDDING SA BACOLOD GINPAISOL SA MARSO 3, 2023

  • at 5:21 pm
Share on facebook
Share on pinterest
Share on twitter
Share on print

Ginpaisol sang syudad sang Bacolod ang mass wedding sa Marso 3, 2023 humalin sa Pebrero 14, 2023.

Sa ginpagwa nga anunsyo sang BCD PIO, ginpalawig man ang deadline sa mga luyag magpakasal tubtob Pebrero 12, 2023 humalin sa Enero 22, 2023.

Target sang Benitez administration nga makasal ang 2023 ka mga pares.

Ginpahayag ni Atty. Hermilo Pa-oyon, head sang Office of the Civil Registrar, luyag sang syudad nga mahatagan pa sang kahigayunan ang mga luyag magpakasal nga magpalista para sa libre nga kasal bangud madamo pa ang wala makahibalo.

Wala naman sang quota nga ginhatag ang syudad sa mga Barangay.

Si Mayor Albee Benitez ang magaserbe nga solemnizing officer.

Sa pinakaulihe nga record ni Pa-oyon, masobra na sa 1,300 ka mga couple ang nakapalista.

What’s your Reaction?
+1
0
+1
1
+1
0
+1
0
+1
0
+1
0
+1
0

FISH VENDORS NGA WALA NAGABUTAN SA RAFFLE, PANGITAAN SANG PWESTO

September 25, 2023

Ginkumpirmar ni City Administrator Atty. Pacifico Maghari III nga naga lambot tubtob 80 mil pesos pasaka ang utang sang pila ka mga fish vendors nga wala ginlakip sa masterlist para sa raffle sa pwesto sa Central Market.

Sa press conference, Lunes, ginpahayag ni Maghari, nga 90 ka stalls ang available sa fish section sa Central Market kag 104 ka ngalan ang yara sa masterlist.

Ginpahayag ni Maghari, lima ka fish vendors nga nag reklamo ang deliquent payers kag madugay na nga gindeklarar nga bakante ang ila pwesto bangud sa ila utang.

Pero suno sa City Administrator, bukas ang syudad nga mapangitaan sila sang pwesto sa tion nga mabayran ang ila nga utang lakip man ang 14 nga wala nagabutan sa raffle.

Suno kay Maghari, natalana nga magasapol ang Local Market Committee para talakayon ang posible pwesto nga ginsuhestyon sang mga asosasyon sa mga wala sang pwesto.

Ginklaro ni Maghari nga bulanan ang ginabayran sang mga fish vendors sa syudad kag indi lamang arkabala sa kada adlaw.

What’s your Reaction?
+1
0
+1
0
+1
0
+1
0
+1
0
+1
0
+1
0

VENUE SANG PROBINSYA PARA SA MASSKARA, APRUBADO NA NI GOV. LACSON

September 25, 2023

Aprobado na ni Governor Eugenio Bong Lacson ang sulat nga ginpadala ni Mayor Albee Benitez nga naga pangabay sa probinsya sa pag gamit sang pila ka mga lugar bilang venue sang pila ka mga aktibidad may kaangtanan sa selebrasyon sang Masskara Festival sa bulan sang Oktubre.

Base sa komunikasyon nga gin padala ni Benitez, indi lamang ang Paglaum Stadium ang gin request sang Alkalde kundi ini ang gina lakipan man sang North kag Capitol road nga natalana paga gamiton bilang tourism strip umpisa Oktubre 19 tubtob 22.

Base sa plano sang Yuhum Foundation nga amo ang organizer sang event, ang Paglaum Stadium amo ang mangin venue sang arena dance competition lakip na ang closing ceremony.

Magluwas sa venue sang event, gin aprobahan man sang Gobernador ang pangabay ni Benitez para sa dugang nga mga personnel nga maga bulig sa General Services Office, Security, kag DRRMO sa tion sang amo nga kahiwatan.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.