MAYOR ALBEE, NAGPAHAYAG NGA GINAHATAGAN IMPORTANSYA ANG PAG ABYANAY ANTES ANG POLITIKA

Share on facebook
Share on pinterest
Share on twitter
Share on print

Ginpahayag ni Mayor Albee Benitez nga iya ginahatagan sang importansya ang pag abyanay antes ang politika.

Ini ang ginpahayag sang Alkalde pagkatapos sang programa sang syudad sa Araw ng Kagitingan sa Plaza, Pebrero 9, kasunod sang ginahaboy nga isyu sa tunga nila ni Congressman Greg Gasataya.

Suno sa Alkalde, wala ini nakahibalo kon diin nagahalin ang isyu kag nagklaro nga indi ini matuod. Para kay Benitez, siya ang tawo nga naga ‘cherish’ kag ‘treasure’ sang pag abyanay antes ang politika.

Ginpahayag pa ni Benitez, nga ang politika ang dapat isa lamang ka adlaw kag dapat gilayon nga mag move on kag magtrabaho.

Sang Lunes nga adlaw, nag gwa ang selfie photos ni Benitez kag Gasataya kag sang alkalde kaupod si Kapitan Franz Tionko, anak sang kongresista.

Una na nga ginlaragway ni Kapitan Atty. Caesar Distrito nga ‘tandem to beat’ sa 2025 si Benitez kag Gasataya.

What’s your Reaction?
+1
0
+1
0
+1
0
+1
0
+1
0
+1
0
+1
0

SILAY SP NANINDUGAN NGA WALA SANG PAMULITIKA SA WALA PA PAGHATAG SANG RONO SA BULK WATER PROJECT

Nanindugan ang Sangguniang Panlungsod sang syudad sang Silay nga wala sang pamulitika sa isyu nga wala pa sila maka hatag sang resolution of no objection (RONO) sa 1.2 bilyones pesos nga Negros Occidental Bulk Water Project.

Sa phone patch interview, Myerkules, ginbasa ni Silay Vice Mayor Thomas Maynard Ledesma, ang opisyal nga statement sang ila konseho sa sini nga isyu.

Ginpahayag ni Ledesma, nagapangabay pa sang klaripikasyon ang pila ka miembro sang konseho lakip na dire kon ang proyekto ang maka apekto sa mga establisamento kag factories sa Silay nga nagasalig sa suba nga kuhaan sang tubig.

Luyag man maklarohan sang Konseho kon ang proyekto ang maka apekto sa sektor sang agrikultura, ang existing nga application sang Vivant Hydropower Plant sa Kapitan Ramon, ang impact sang proyekto sa environment.

Nasaad man sa statement nga ang proponent ang dapat nga magpangabay sang opinion sang mga eksperto kaangay sang DENR, Department of Agriculture, DRRM sa posible peligro nga madulot sang proyekto.

Luyag man sang Konseho nga mahibaluan ang benepisyo sang sini nga proyekto para sa Silay kag ang financial impact sa bili sang tubig sang Silay City Water District (SiCiWa)

Gin ehemplo sang Konseho ang mga potentional problems nga nagakatabo karon sa Cagayan De Oro nga may yara man sang Bulk Water Project kag indi luyag nga ini ang matabo man sa Silay.

Ginpahayag sang Bise-Alkalde, nga wala sang politika dire kag ila lamang dire ginalantaw ang welfare sang ila mga pumuluyo.

Nagalaum si Ledesma nga masabat ang ini nga mga pamangkot sa tion nga liwat nga mag presentar ang proponent sang sini nga proyekto.

RONO SANG TATLO KA BARANGAY, GINAHULAT

Ginahulat sang Sangguniang Panlungsod sa syudad sang Silay ang resolution of no objection sang tatlo ka mga Barangay nga posible ma apektuhan sang Negros Occidental Bulk Water Project.

Ginpahayag ni Vice Mayor Ledesma, ini nga mga Barangay ang ginalakipan sang Barangays Hawaiian, Kapitan Ramon, kag Guimbala-on.

Suno kay Ledesma, wala nila mapalambot ang mga concern sang ini ang gintalakay kaangay sa water summit bangud wala sila nakahibalo sa sini nga proyekto.

Ginpahayag sang Bise-alkalde, nga isa pa sa ginakabalak-an amo ang posible pagsaka sang water rate kon ang SiCiWa ang magabakal sang tubig sa sini nga proyekto.

Suno pa kay Ledesma, ginpalambot man sa ila sang SiCiWa nga may nagakaigo sila nga suplay sang tubig kag indi na kinahanglan magkuha sang tubig sa bulk water project.

What’s your Reaction?
+1
0
+1
0
+1
0
+1
0
+1
0
+1
0
+1
0

BCPO MAGABULIG SA PAGPATAHOM SA GIN-VANDALIZE NGA LUGAR SA BACOLOD

Magabulig patahom sa gin-vandalize nga lugar sa Bacolod ang Bacolod City Police Office (BCPO) sa pagpanguna ni BCPO City Operations Management Unit Chief PLt. Col. Lester Leada.

Ginpahayag ni Leada, nakigsapol siya upod kay Bacolod City Administrator Dr. Lucille Gelvolea kag iban pa nga stakeholders angot sa plano nga pagpatahom sa mga vandalized areas.

Suno kay Leada, nagapakig-angot na sila sa siudad agud ma-identify ang mga lugar nga apektado sang vandalism.

Nahibaloan, ang anti-vandalism campaign sang BCPO ang ginahimo nga tikang agud mabuligan ang siudad para sa ginaduso nga mangin Super City ang Bacolod.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.