Ginapangabay ni Mayor Albee Benitez ang mga ambulant vendor nga mag sunod sa ordinansa nga naga regulate sa ila nga hanay.
Suno kay Benitez, may nabalay na nga guidelineas ang City Council kon diin pwede makabaligya.
Sa idalum sang ordinansa may walo ka mga lugar nga pwede makabaligya ang mga ambulant vendor.
Ini ang makit-an sa Gallardo St corner La Salle Avenue tubtob sa University of St. La Salle las 8 sang aga tubtob las 10 sang gab-i.Sa North Capitol Road tubtob sa corner sang Aguinaldo St las 6 sang gab-i tubtob las 10 sang gab-i.
Sa dalan Gatuslao sa Jolibee Luzuriaga tubtob corner Ballesteros las 8 sang aga tubtob las 8 sang gab-i.
Sa dalan Gonzaga sa area sang Amar Plaza kag Chinky’s las 8 sang aga tubtob las 8 sang gab-i.
Sa dalan Luzuriaga sa PNB kag Greenwich las 8 sang aga tubtob las 8 sang gab-i.Sa sulod sang Bacolod Plaza las 8 sang aga tubtob las 6 sang gab-i.
Sa dalan Bonifacio las 4 sang hapon tubtob las 10 sang gab-i kag sa South side sang dalan Ballesteros las 8 sang aga tubtob las 9 sang gab-i.
Sa nahibaluan, nagumpisa na ang syudad sa pagregister sa mga ambulant vendor sa tuyo nga ma isyuhan sila sang health card, sticker kag special permit.