May gin recruit nga mga volunteer ang Benitez administration bilang preparasyon sa tion nga may mga personnel sang syudad ang indi na mag duty pila ka adlaw antes magtakop ang Leonardia adminsitration.
Ginpahayag ni Benitez, ang pulis ang maga augment sa traffic samtang may mga volunteers naman nga ipahamtang sa CDRRMO, CHO kag iban pa para indi mag untat ang serbisyo.
Sa nahibaluan, sa Hunyo 22 una nga magasapol ang duha ka transition teams sang incoming kag outgoing administrations sa Bacolod Government Center.
Ginpahayag ni Benitez, ang kadalag-an sang pang gobyerno ang nagadepende sa mga tawo nga ibutang sini sa posisyon.
Suno naman kay re-elected Councilor Al Victor Espino, ini nga tikang ang precautionary measure sang masunod nga administrasyon.