MBCCI NAGA PATIGAYON SANG SURVEY SA EPEKTO SA NEGOSYO SANG GIN PATUMAN ANG TIMPRANO NGA CURFEW SA BACOLOD

Share on facebook
Share on pinterest
Share on twitter
Share on print

Padayon pa ang survey nga gina himo sang Metro Bacolod Chamber of Commerce and Industry ukon MBCCI sa sitwasyon sang ila hanay angut sa epekto sang Executive order nga gin papanaug ni Mayor Evelio Bing Leonardia nga naga patuman sang curfew nga alas otso sang gab-i tubtob alas kwatro sang aga.

Suno kay MBCCI Chief Executive Office Frank Carbon, ini nga inisyatibo ang naga tuyo nga ila mahibaluan ang naga kaigo nga estado sang ila mga miyembro ilabi na nga liwat ginpa lawig sang National IATF ang implementasyon sang Modified General Community Quarantine ukon MGCQ sa syudad.

Dugang pa ni Carbon, posible nga sa masunod pa nga semana nila ma kumpleto ang proseso kag mahibaluan kon bala kinahanglanon nila nga magpadala sang apelasyon sa lokal nga panguluhan sang syudad.

Luyag man hibaluon sang MBCCI kon bala naka bulig gid man ang gin patuman nga curfew angut sa problema sang COVID ilabi na nga naga padayon man sa gihapon ang pagtaas sang local transmission. | Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
0

GOV LACSON WALA SANG MAY NAKIT-AN NGA PROBLEMA SA GINADUSO NGA NEGROS ISLAND REGION KON SIN-O MAN ANG GOBERNADOR SA NEGROS ORIENTAL

Wala sang nakit-an nga problema si Negros Occidental Governor Bong Lacson kun sin-o man ang magapungko nga gobernador sa Negros Oriental, sa ginaduso nga pagbuhi sang Negros Island Region (NIR).

Ini ang ginpahayag ni Lacson sa opisyal nga pagdeklarar kay Roel Degamo bilang nagdaug nga gobernador sa Negros Oriental nagligad nga eleksyon kontra sa malapit nga kasumpong sini nga si Pryde Henry Teves.

Suno kay Lacson handa ang League of Provinces of the Philippines (LPP) sa pagsuporta sa sin-o man nga gobernador sang Negros Oriental.

Dugang pa ni Lacson, dapat lang nga batunon ang anu man nga desisyon sang Comelec ukon korte suprema sa pagkilala sang matuod-tuod nga nagdaug nga kandidato.

Suno kay Lacson nga sang ginpatigayon ang 2nd LPP General Assembly sa syudad sang Koronadal South Cotabato nagligad nga Setyembre 30, isa si Teves sa mga gobernador nga nagtambong kag nag-aprobar sang iya ginpamangkot kun kamusta na ang estado sang NIR.

Nagasalig si Lacson nga suportahan sa gihapon ni Degamo ang pagbuhi sa NIR bangud nagserbe man ini bilang gobernador sang Negros Oriental sang magsugod ang operasyon sang rehiyon sadtong 2015 tubtub 2017.

Nagligad nga Lunes, gindeklarar sang Comelec si Degamo nga amo ang nagdaug sa Negros Oriental gubernatorial race nagligad nga May 2022 elections. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

TOP 2 MOST WANTED PERSON SANG CADIZ PNP, ARESTADO

Dakop ang Top 2 Most Wanted Person sang Cadiz City PNP pinaagi sa pagserbi sang warrant of arrest sa Purok Narra 1., Brgy. Tinampa-an, syudad sang Cadiz pasado las 2 sang hapon, Lunes (Oktubre 3).

Ang nadakpan ginkilala kay Bernardo Dolorosa Jr., 62 anyos kag residente man sang amo nga lugar. Si Dolorosa ang may warrant of arrest sa kaso nga pagpang-abuso.

Ang warrant of arrest batuk kay Dolorosa ang ginpapanaug sadtong Setyembre 27 ni Honorable Judge Gwendolyn Jimenea, ang Presiding Judge sang Regional Trial Court Brang 60 sa syudad sang Cadiz.

Samtang, 200,000 pesos ang pyansa nga gintalana sang korte para sa temporaryo nga kahilwayan ni Dolorosa nga priso karun sa custodial facility sang Cadiz City PNP. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.