MENU

MBCCI: PAGLARAGWAY SANG BACOLOD NGA 'SHABULIZED' WALA SANG MALAIN NGA EPEKTO SA EKONOMIYA

  • at 8:34 pm
Share on facebook
Share on pinterest
Share on twitter
Share on print

Wala sang malain nga epekto sa ekonomiya sang syudad sang Bacolod ang palayag ni Bacolod City Police Office (BCPO) Deputy City Director for Operations Police Lt. Col. Jovie Espenido nga ang syudad isa ka “shabulized city” basi sa mga accomplishment sang kapulisan.

Suno kay Metro Bacolod Chamber of Commerce and Industry (MBCCI) President Frank Carbon, antis pa man magsulod ang negosyante sa isa ka lugar nagapatigayon ini sang feasibility study.

Ginatutukan sang mga negosyante ang crime volume kag indi ang paglaragway sa isa ka lugar.

Pagpahayag pa ni Carbon, kumo nakabasi sa accomplishment ang ini nga palayag ini indi direkta makaguba sa imahe sang syudad.

Nagapati sa gihapon si Carbon nga madamo pa ang magasulod nga investors sa syudad sang Bacolod sa palaabuton. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MASOBRA 2K KA PULIS MAGAHATAG SEGURIDAD SA MASSKARA 2023

September 25, 2023

Masobra 2,000 ka pulis ang ipalapta kadungan sa selebrasyon sang Masskara Festival sa syudad sang Bacolod.

Suno kay Lt. Col. Ronnie Brillo, Deputy City Director for Administration, Oktubre 6 iga-deploy ang 2, 331 ka personnel. Dugang pa ni Brillo, nag-request naman sila sang augmentation gikan sa Police Regional Office 6 bangud 1,044 lang ang masarangan nga personnel sang BCPO kag may kulang nga 1,287 ka pulis.

Suno kay Brillo kon masarangan sang NOCPPO, posible sa ila gikan ang augmentation antes magkuha sang augmentation gikan sa Iloilo Police Provincial Office kag iban nga units.

Posible man suno kay Brillo nga dugangan ang una nga 25 ka Bacolod City Public Assistance Desk nga ginpahamtang sa strategic areas sa palibot sang syudad.

Samtang, pahimuan ni Bacolod City Police Office Director Col. Noel Aliño sang individual security plan ang kada aktibidad sa Masskara Festival.

What’s your Reaction?
+1
0
+1
0
+1
0
+1
0
+1
0
+1
0
+1
0

51 BARANGAYS SA PROBINSYA GINDEKLARAR ‘ELECTION AREAS OF CONCERN’ SANG RJSCC

September 25, 2023

Wala pa nakasapol ang provincial council agod istoryahan ang damlag lamang deklarasyon sang Regional Joint Security Control Center (RJSCC) may angot sa mga lugar sa Negros Occidental nga kalakip sa Election Areas of Concern.

Suno kay Negros Occidental Police Provincial Office (NOCPPO) Spokesperson Police Captain Judesses Catalogo, sa 58 ka mga lugar sa probinsya nga ginrekomendar sang provincial security group, 51 ang gin-aprubahan sang regional council.

Dugang pa ni Catalogo, may posibilidad nga i-adapt sang provincial council ang listahan sang RJSCC.

Basi sa datus nga nakuha sang Aksyon Radyo Bacolod, ang 51 ka lugar nga gindeklarar nga Election Areas of Concern amo ang siyam ka barangay sa Calatrava; tig lima ka barangay sa Isabela, Cauayan, Escalante, Kabankalan, kag Sipalay; Tig apat ka barangay sa Candoni, Moises Padilla, kag Toboso; tatlo ka barangay sa Himamaylan; duha sa DSB kag tig isa sa La Castellana, Ilog kag San Enrique.

Wala pa nakapagwa ang COMELEC sa listahan sang mga lugar nga ginpaidalom sa election area of concern.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.