MEKANIKO, NADAKPAN SA DRUG BUST OPERATION SA SILAY

Share on facebook
Share on pinterest
Share on twitter
Share on print

Dakop ang isa ka mekaniko sa buy-bust operation sa St. Francis Phase 8, Brgy 4, syudad sang Silay pasado la 1 sang hapon, Nobyembre 21.

Ang suspetsado ginkilala kay Ariel Abellar, 41 anyos kag residente sang Sitio Barra Bat-os, Brgy Mambulac, sa amo man nga syudad.

Suno kay Police Lt. Col. Mark Anthony Darroca, hepe sang Silay Component City Police Station, si Abellar ang nalista sa drugs watchlist sang kapulisan kag binulan na nga gina-surveillance.

Nakumpiskar sa buy bust operation ang anum ka magagmay, duha ka medium-sized kag isa ka dako nga sachet sang ginasuspetsuhan shabu nga ginabulubanta nagabug-at sang siyam (9) ka gramos kag nagabili sang 61,200 pesos.

Narekober man sang kapulisan ang mga drug paraphernalia kag ang 1,200 pesos nga buy bust money.

Priso karun si Abellar sa custodial facility sang Silay City Police Station kag natalana nga pasakaan sang kaso. | Aksyon John Diaz

What’s your Reaction?
+1
1
+1
0
+1
0
+1
0
+1
0
+1
0
+1
0

SUSPEK NGA NAGTUYO MANGAWAT SANG MANHOLE COVER, NAGPANGAYO PASAYLO KAY BENITEZ

Nagpangayo sang pasaylo kay Mayor Albee Benitez ang lalaki nga nga nagtuyo nga kawaton ang taklob sang manhole sang PLDT sa dalan Araneta.

Ginkumpirmar ni Atty. Joseph Karol Chiu, secretary to the mayor, Lunes sang hapon sang nag atubang kay Benitez ang lalaki kaupod ang nag upload sang viral video sa pagpangawat sang taklob sang manhole.

Suno kay Chiu, ginsaway sang Alkalde ang tricycle driver kag ginhambalan nga sala ang iya gin-ubra kag didto nagpangayo siya sang pasaylo.

Sa impormasyon ni Chiu, ang lalaki residente sang Brgy. Singcang-Airport samtang ang duha ka lalaki nga upod sini nga nagpalagyo ang residente sang Barangay 35.

What’s your Reaction?
+1
1
+1
0
+1
0
+1
0
+1
0
+1
0
+1
0

17 ANYOS NGA DALAGA, PATAY MATAPOS GINBUNO SANG PAKAISA BANGUD SA GINALEGAR PAGPALAPTA SANG KUTSO-KUTSO

Patay ang isa ka dalagita sa kaso sang pagbuno nga nagluntad sa Barangay Cabacungan, banwa sang La Castellana pasado las 7 sang aga, Lunes (Disyembre 5).

Ang biktima naga-edad sang 17 anyos samtang ang suspetsado naman naga-edad sang 16 anyos kag pareho nga residente sang amo man nga lugar.

(La Castellana PNP Photo)

Suno kay Police Captain Rhojn Daryll Nigos, hepe sang La Castellana PNP, magpakaisa lamang ang biktima kag ang suspetsado.

Suno kay Nigos, ginhagad sang suspetsado ang biktima nga maglakat sa lugar malayo sa mga pamalay.

Una nga gin-kompronta sang suspetsado ang biktima bangud sang gin-aligar ginapalapta sini nga kutso-kutso batuk sa suspek.

Dugang pa, lipod sa ihibalo sang biktima nga may dala nga kutsilyo ang suspek.

Ginbuno sang suspek ang iya nga pakaisa kag nakaangkon sang madamo nga pilas sa lawas.

Nagkuha pa sang bato ang menor de edad nga suspetsado kag ginlampusan sa ulo ang biktima.

Dead on the spot ang 17 anyos nga biktima samtang ang suspetsado naman ang nagsungka sa kapulisan.

Wala pag-inchindihanay ang nagapanguna nga motibo sa krimen. | Aksyon John Diaz

What’s your Reaction?
+1
1
+1
0
+1
0
+1
4
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.