MENOR DE EDAD PATAY SANG NALUMOS SA SUBA

Share on facebook
Share on google
Share on pinterest
Share on twitter
Share on print
(Silay CDRRMO Photo)

Narecover ang bangkay sang 13 anyos nga bata nga lalaki nga nalumos sa suba sakop sang Purok Riverside Brgy Hawaiian syudad sg Silay kaina sang hapon, Myerkules.

Gin kilala ang biktima nga si Earl Perales.

Suno kay Alexander Muñoz, DRRMO head sg Silay, sa bulig sang Philippine Coast Guard, nakita ang bangkay sang biktima las 6 sang gab-i, 4 ka oras ang nakaligad sg ini ang na lumos.

Dugang pa ni Muñoz, sa inisyal nga pagpangusisa, nagapaligo sa suba ang biktima kaupod ang iya abyan nga 13 anyos man ang edad sg nalumos.

Palayag ni Muñoz las 2:35 na sang gn report sang iya abyan nga nalumos ang biktima bangud sa posible kakulba sa natabo nga insidente. | Aksyon Eden Aboso

NEGROS OCCIDENTAL NAKARECORD SANG MANUBO NGA ACTIVE COVID-19 CASES SANG ISA KA SEMANA

Isa ka semana nga nakarekord ang Negros Occidental sang sunod sunod nga pagnubo sa aktibo nga kaso sang coronavirus disease (COVID-19).

Sa datos sang Provincial Incident Management Team (PIMT), nag umpisa ang pagnubo sang Hulyo 21, 2021 sa diin ang kaso naglab-ot sa 1,613 halin sa 1,623 sang Hulyo 20.

Ini ang nagpadayon sa sulod sang pito ka adlaw tubtub nga nangin 1,349 na lamang sang Hulyo 27.

Ginpahayag ni Provincial Administrator Atty. Rayfrando Diaz II, nagnubo naman ang occupancy rate sang mga district hospital sa probinsiya.

Nagapati si Diaz nga resulta ini sang mass vaccination nga ginpatigayon kontra COVID-19. | Aksyon Marlon Genovea

TOP 4 DRUG PERSONALITY SANG KABANKALAN PNP, NADAKPAN

Liwat magapangatubang sa dugang nga kaso ang Top 4 drug priority target list sang Kabankalan City Police Station matapos nakuhaan sang ilegal nga druga sa Sitio Nato, Brgy. Aguisan, syudad sang Himamaylan kagab-i, Hulyo 28.

Ang suspek ginkilala kay Joy Jen Utana, 28 anyos residente sang Brgy 6, syudad sang Kabankalan.

Suno kay PLt. Arturo Margallo, Deputy Chief of Police sang Himamaylan City Police station, si Utana ang nalista bilang number 1 most wanted person sang Kabankalan PNP kag paagi sa Manhunt Charlie Operation, tigayon nga ginserbi sa iya ang mandamiento de aresto sa kaso Violation of Sec. 5, sang R.A. 9165, kag wala sang piyansa batok sa iya.

Sa pag-aresto, narekober sa iya ang 1 ka gramo sang ginasuspetsuhan shabu nga may Standard Drug Price 6,800.

Si Utana ang priso karon sa custodial facility sang Himamaylan PNP kag ginahanda na ang kaso paghupot sang ilegal nga druga kag drug paraphernalia batok sa iya. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.