MGA BARANGAY GINAPANGABAY NGA MAGBULIG SA BACOLOD CHO SA IMMUNIZATION PROGRAM

Share on facebook
Share on pinterest
Share on twitter
Share on print

Nagpasar sang resolusyon ang Sangguniang Panlungsod sa Bacolod nga nagapangabay sa mga Barangay nga magbulig sa City Health Office sa pagpatuman sang immunization program para sa mga bata naga edad zero tubtob dose ka bulan.

Ang resolusyon ang gin author ni Councilor Celia Flor, chair sang committee on women, family and children, matapos natukiban nga manubo ang immunization rate sang Bacolod para sa mga bata sa tinalikdan nga mga tinuig.

Suno kay Flor, ang manubo nga immunization rate sa mga bata ang isa sa mga rason kon nga-a wala nakuha sang Bacolod ang pagkilala bilang Child Friendly City halin sa DILG.
Isa sa ginatan-aw ni Flor nga rason sang manubo nga immunization rate amo ang isyu sang dengvaxia vaccine kag ang nagluntad nga pandemya.

Ginpahayag sang konsehal, ginatipon karon ang datus angut sa aktwal nga kadamuon sang zero tubtob dose kabulan nga mga bata nga dapat mabakunahan, bangud ang DOH ang nagabase lamang sa projected nga kadamuon sang bata sa amo nga age bracket depende sa kadamuon sang populasyon.

Base sa resolusyon, ang basic vaccination ang ginalakipan sang bakuna kontra tuberculosis, diptheria, tetanus, pertussis, polio, measles, kag rubella.

What’s your Reaction?
+1
0
+1
1
+1
0
+1
0
+1
0
+1
0
+1
0

PILA KA LGUs SA PROBINSYA GINATAN-AW MAY ENKWENTRO SA PAGKA ALKALDE KAG KONGRESISTA SA 2025

Pila ka mga lugar sa Negros Occidental ang ginalantaw ni Governor Bong Lacson nga may engkwentruhanay sang mga kandidato sa pagka-kongresista kag alkalde sa Mayo 2025 nga eleksyon.

Suno kay Lacson, posible nga may engkwentruhanay sa pagka-alkalde sa syudad sang Talisay, Silay, Kabankalan , banwa sang Isabela, San Enrique, kag Valladolid.

Sa ika-anom nga distrito, ginsiling sang gobernador nga indi pa klaro kun madayon ang ginakuno-kuno nga engkwentruhanay sa pagka-kongresista.

Dugang pa ni Lacson, daku man ang posibilidad nga may kasumpong si incumbent Cong. Dino Yulo.

Liwat nga ginkompirmar ni Lacson ang iya nga pagpapili bilang gobernador sa 2025 nga eleksyon.

What’s your Reaction?
+1
0
+1
0
+1
0
+1
0
+1
0
+1
0
+1
0

15M GINPAIN PARA SA PAGBAKAL SANG 10K DOSES SANG PENTAVALENT VACCINES

Magabakal ang syudad sang Bacolod sang 10,000 doses sang pentavalent vaccine para sa masobra 3 mil ka mga bata.

Ginpahayag ni City Health Officer Dr. Ma. Carmela Gensoli, may yara karon sang existing pa nga bakuna ang CHO pero posible maubos sa masunod nga binulan bangud sa ginapatigayon nga mapping sang vaccination.

Suno kay Gensoli, nagpangabay ini sa alkalde sang 9,000 doses sang vaccine pero ginpasakaan sang alkalde sa 10,000 doses.

Ang ini nga bakuna ang proteksyon batuk sa diphtheria, tetanus, pertussis, haemophilus influenza B, kag hepatitis.

Suno kay Gensoli, magahalin sa Bacolod CDRRMO ang pondo sa pagbakal sang bakuna balor 15 milyones pesos.

May ginapaabot man ang Bacolod CHO sang sini nga bakuna halin sa Department of Health.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.