MGA ESCALANTE RETURNING RESIDENTS NGA GIKAN SA LUGAR NGA GIN LOCKDOWN SA BACOLOD IPAIDALUM SA QUARANTINE

Share on facebook
Share on google
Share on pinterest
Share on twitter
Share on print

Ipaidalom sa mandatory quarantine ang mga Escalante returning residents nga naghalin sa mga gin-lockdown nga lugar sa syudad sang Bacolod.

Ini ang isa sa mga nasaad sa Executive Order (EO) No. 20-26 nga gin-isyu ni Escalante City Mayor Melecio Yap Jr., napetsahan Hulyo 28, 2020.

Kabahin man ini sa protocol kun paano mapunggan ang local transmission sa ila syudad, kag matapna ang pagdamo sang Covid-19 positive cases.

Suno sa E.O, ang mga returning residents ang dapat magpresentar sang sertipikasyon halin sa ginhalinan nga barangay antis makasulod sa Escalante.

May checkpoint man nga ipahamtang sa boundary sang Escalante kag Sagay sa Brgy. Hda. Fe Escalante, nga pagabantayan sang PNP, Army, BFP kag BPAT.

Nasaad sa E.O. nga may confirmed local transmission na sa 10 ka mga barangay sa syudad sang Bacolod.

Ini ang ginalakipan sang Brgy. 29, Brgy. 26, Brgy. Mandalagan, Brgy. Alijis, Brgy. Banago, Brgy. Estefania, Brgy. Tangub, Brgy. Taculing, Brgy. Mansilingan, kag Brgy. Singcang Airport. | Aksyon Marlon Genovea

TOP 4 DRUG PERSONALITY SANG KABANKALAN PNP, NADAKPAN

Liwat magapangatubang sa dugang nga kaso ang Top 4 drug priority target list sang Kabankalan City Police Station matapos nakuhaan sang ilegal nga druga sa Sitio Nato, Brgy. Aguisan, syudad sang Himamaylan kagab-i, Hulyo 28.

Ang suspek ginkilala kay Joy Jen Utana, 28 anyos residente sang Brgy 6, syudad sang Kabankalan.

Suno kay PLt. Arturo Margallo, Deputy Chief of Police sang Himamaylan City Police station, si Utana ang nalista bilang number 1 most wanted person sang Kabankalan PNP kag paagi sa Manhunt Charlie Operation, tigayon nga ginserbi sa iya ang mandamiento de aresto sa kaso Violation of Sec. 5, sang R.A. 9165, kag wala sang piyansa batok sa iya.

Sa pag-aresto, narekober sa iya ang 1 ka gramo sang ginasuspetsuhan shabu nga may Standard Drug Price 6,800.

Si Utana ang priso karon sa custodial facility sang Himamaylan PNP kag ginahanda na ang kaso paghupot sang ilegal nga druga kag drug paraphernalia batok sa iya. | Aksyon Alvin Grava

KAPIN 2K KA BACOLODNON NAKA AVAIL SANG DOLE-TUPAD PROGRAM HUMALIN ENERO TUBTOB HUNYO 2021

Kapin 2,000 na ka mga Bacolodnon ang nangin benepisyaryo sang Emergency Employment Assistance Program/DOLE-TUPAD Program humalin Enero tubtob Hunyo 2021.

Suno kay Congressman Greg Gasataya, nagsumiter na sila sang suhestyon sa DOLE sa mga Barangay nga ipatuman ang ini nga programa para sa kapin 3,000 ka mga Bacolodnon para sa bulan sang Hulyo tubtob Septembre 2021.

Ini nga programa ang para sa mga disadvantaged ukon displaced workers nga magatrabaho sa Barangay sa sulod sang 10 ka adlaw kag magabaton sang 3,950.

Ginpaathag ni Gasataya nga ila trabaho nga masiguro nga may yara sang pondo para sa mga benipesyaryo samtang ang Barangay amo ang magapili bangud sila ang mas nakahibalo kon sin-o ang nagakinahanglan.

Subong nga adlaw, Hulyo 28, nagbaton sang tig-3,950 ang mga benepisyaryo sang DOLE Tupad Program sa Barangays 37, 21 kag 40.

MORE STORIES:

LIKE US ON FB

error: Ooops... You are not authorized to copy this content.