MENU

MGA LGU GINAPANGABAY NGA MAGTUKOD SANG LOCAL DRINKING WATER COMMITTEE

  • at 7:40 pm
Share on facebook
Share on pinterest
Share on twitter
Share on print

Ginpanugyan ni Provincial Health Officer Dr. Ernell Tumimbang sa mga local government units sang Negros Occidental nga magtukod sang Local Drinking Water Committee (LDWC) agud matutukan ang water borne kag food borne diseases.

Suno kay Tumimbang, ini nga komite ang dapat pamunuan sang local chief executives bilang chairman samtang city ukon municipal health officer naman ang vice chairman.

Dugang pa ni Tumimbang, ginahulat pa subong ang resulta sang water sample nga ginpaidalom sa laboratory examination sa Research Institute for Tropical Medicine (RITM) agud mahibaluan kun sa tubig gid man naghalin ang kaso sang cholera sa Negros Occidental.

Kun magnegatibo suno kay Tumimbang, ila naman pagausisaon kun food borne ang ginhalinan sang kaso.

Pito ang narekord nga kaso sang cholera sa Negros Occidental sa diin lima sa mga ini ang halin sa Silay, isa sa EB Magalona kag isa man sa syudad sang Victorias. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

29.9M NGA DROGA GINSUNOG SANG PDEA-NOCPPO

December 6, 2023

Naglab-ot sa masobra P29,908,000 nga balor sang shabu nga nagabug-at sang masobra 4,346 gramo kag masobra P226,000 nga balor sang marijuana nagabug-at sang masobra 1,358 gramo ang ginsunog sang PDEA-NOCPPO sa Acropolis Gardens, Brgy. Bata, syudad sang Bacolod ala 1 sang hapon, Disyembre 6, 2023.

Ang mga ilegal nga droga ang nakumpiskar sang PDEA sa syudad sang Bacolod kag sa pila ka lugar sa probinsya sang Negros Occidental.

Suno kay PDEA 6 Assistant Regional Director 2 Marjorie Ballesteros, ang mga illegal drugs ang kabahin sang mga drug cases gikan sa nagkalain-lain nga mga korte sa Bacolod kag Negros Occidental sa nakaligad nga mga tinuig kag ginmandu sang korte ang disposal .

Ginklaro ni Ballesteros nga antes pa sunogon ang mga droga nadesisyonan na ang mga kaso sang nagkaladakpan sa korte.

Dugang pa, isa sa tinutuyo sa pagsunog agud malikawan ang mga alegasyon nga gina-recycle sang otoridad ang ilegal nga droga.

What’s your Reaction?
+1
0
+1
0
+1
0
+1
0
+1
0
+1
0
+1
0

MASOBRA 700K NGA MOTOR OIL KAG BATTERY SA MOTORPOOL SANG KAPITOLYO, GINKAWAT

December 6, 2023

Ginatutukan sang Provincial Legal Office (PLO) ang angulo nga ‘inside job’ kag kapabayaan sang mga naka-duty nga gwardiya, sa natabo nga pagpangawat sang masobra tunga sa milyon ka pesos nga balor sang motor oil kag battery sa motorpool sang Provincial Engineering Office (PEO) sa dalan Gatuslao syudad sang Bacolod.

Suno kay Provincial Legal Officer Atty. Alberto Nellas Jr., ila pagahulaton ang resulta sa imbestigasyon sang mga kapulisan, antis desisyonan kun papanaugan sang penalidad ang mga empleyado ukon gwardiya nga nakadestino sa lugar.

Sa record sang PLO, P282,753.00 nga balor sang motor oil kag P472,553.00 nga battery ang nadula.

Nag-agi ang mga kawatan paagi sa pagbuho sa pader sang motorpool nga tupad sang mga panimalay sa Brgy. 6 syudad sang Bacolod.

Sa karon may ginatutukan na ang PLO nga persons of interest.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.