MENU

MGA LSIs NGA MAGA ABOT SA BACOLOD INDI NA PASUGTAN NGA MAG HOME QUARANTINE

  • at 5:34 pm
Share on facebook
Share on pinterest
Share on twitter
Share on print

Indi na pagpahanugutan ang mga Locally Stranded Individual ukon LSIs nga mag paidalum sa home quarantine sa tion nga i-lift na sang gobyerno nasyunal ang pag suspend sang ila byahe pabalik sa syudad sang Bacolod.

Ini suno kay Vice Mayor El Cid Familiaran matapos ini ang gin kasugtan sang mga opisyal upod si Mayor Bing Leonardia sa pagsinapol nga gin patigayon Martes sang gab-i, Hunyo 30.

Suno kay Familiaran, ini ang tikang nga pagahimuon sang Bacolod matapos ang pila ka insidente nga may mga LSI nga naga home quarantine pero naga gwa sa ila balay bisan nga wala pa ang resulta sang ila nga test.

Suno pa sa Bise Alkalde, gin tugyanan ni Mayor Evelio Leonardia si City Legal Officer Joselito Bayatan nga mag himo sang legal action sa palaabuton para ma sampolan ang mga LSI nga nag lapas sang home quarantine protocol.

Suno kay Familiaran, cover sang legal action ang mga LSI nga nagwa sa ila balay samtang naga hulat sang resulta sang iya test kag ang LSI nga nagbayolar sang home quarantine protocol kag sa ulihe nag positibo sa Covid-19 infection.

Gin pahayag man sang bise-alkalde nga maga apilar si Mayor Evelio Leonardia sa National IATF nga by batch ang pag papuli sa mga LSIs pabalik sa syudad.

Suno kay Familiaran, masarangan sang syudad ang 600 ka mga LSIs sa kada semana nga ipahamtang sa mga quarantine centers.

Ini kasunod nga gina lantaw sang mga opisyal nga madamo sang mga LSIs nga maga puli sa tion nga ma lift na ang suspension sang LSI trips kag posible indi masarangan sang mga quarantine centers sang syudad.

Ang mga LSI nga mag negatibo sa Covid-19 ang pwede na makagwa sa quarantine center kag tapuson ang 14-day quarantine period sa ila nga balay samtang ang mga maga positibo ang maga pabilin sa pasilidad tubtob nga maka recover.

Sa karon, ang Bacolod ang ma 51 ka mga Covid-19 cases, 24 ang naka recover, tatlo ang napatay kag ang naga bilin nga aktibo nga kaso ang gina lakipan sang mga LSIs kag OFWs. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

LAPSAG SA NEG OCC GINBAWIAN KABUHI BANGUD SA PERTUSSIS

April 15, 2024

Nakarekord ang Negros Occidental sang isa ka patay bangud sa pertussis disease.

Suno kay Provincial Health Officer Dr. Ma. Girlie Pinongan, napatay ang bata nga pasyente samtang naka-admit sa Doña Corazon Locsin Montelibano Memorial Regional Hospital nagligad nga semana, antis mag-gwa ang resulta sa specimen laboratory examination.

Dugang ni Pinongan, may kabug-usan na nga lima ka mga kaso ang probinsiya, lakip na ang pasyente nga napatay, lima ka mga specimen nga nag-negatibo kag 26 nga probable cases.

Ginklaro ni Pinongan nga kontrolado sa gihapon ang kaso, kag nagalaum nga indi na magdamo pa samtang ginahulat ang pag-abot sang Pentavalent vaccines.

Ginpanugyan ni Pinongan sa mga ginikanan nga indi na pagdal-on sa mga matawo nga lugar ang kabataan, agud indi madapuan sang amo nga masakit.

Pinakatigulang nga pasyente sang pertussis disease sa Negros Occidental, ang naga-edad sang 62 anyos.

What’s your Reaction?
+1
0
+1
0
+1
0
+1
0
+1
0
+1
0
+1
0

TERMINATION SANG JVA CONTRACT SANG BACIWA-PRIMEWATER, GINAKONSIDERAR NI MAYOR ALBEE

April 15, 2024

Ginakonsiderar ni Mayor Albee Benitez nga i-terminate ang kontrata sang joint venture agreement sa tunga sang Primewater kag BACIWA ukon re-negotiation.

Sa press conference, Lunes, ginpahayag ni Benitez nga nagpangayo ini sa BACIWA sang listahan sang mga bayolasyon sang Primewater sa ginsudlan nga kontrata.

Isa sa ginbasehan ni Benitez nga bayolasyon amo ang section 5.1.2 sang kontrata, nga sa sulod sang lima ka tuig halin 2020, dapat masiguro ang 24 oras nga tubod sang tubig sa katapusan sang ikaduha nga tuig, nga tubtob karon wala na comply.

Ginapasabat ni Benitez ang BACIWA kon ano ang ila nga nahimo sa mga bayolasyon sa kontrata kag kon may penalidad nga ginpapanaug batuk sa Primewater.

Nagapangayo man si Benitez sa BACIWA sang water security plan nga indi lamang sabat sa epekto sang El Niño kundi diin tubtob ang water supply sang syudad.

Suno sa Alkalde, naga claim ang BACIWA nga 90 million liters a day (MLD) lamang ang kinahanglan sang Bacolod pero 125 MLD ang ginarekomendar sang mga eksperto para sa syudad matapos ang ginpatigayon nga verification.

Ginaduso ni Benitez nga may yara sang buffer plan sang tubig ang syudad kag nagsuhestyon nga ang mga deep wells sang Primewater ang dapat reserba sa tion sang emerhensya kag indi ini pag himuon nga primary source of water.

Liwat nga ginpakamalaot ni Benitez ang mga bag-o nga post sa social media nga nagapakita sa malubog nga tubig kag ang suhestyon nga ilisan na ang madaan nga mga tubo.

Bangud sini, nagapahayag si Benitez nga wala sang concrete investment ang Primewater para mapaayo ang ila serbisyo matapos ang apat ka tuig.


Ginklaro ni Benitez nga ‘done deal’ na ang JVA sang Primewater-Baciwa antes ini nagpungko bilang alkalde sang Bacolod.

ALBEE: WALA PA SANG MAY NAPIRMAHAN NGA KONTRATA MATAPOS ANG WATER SUMMIT

Tubtob karon wala sang kontrata nga nakita si Mayor Albee nga ginsudlan ang Baciwa-Primewater kaupod ang water supplier matapos ang water summit nagligad nga Enero 2024.

Ginpahayag ni Benitez, may mga water supplier nga nagahimo karon sang inisyatibo nga mag install sang mga water pipes bisan wala pa sang ginkasugtan nga kontrata.

Suno kay Benitez, may mga verbal agreement pero wala sang may nakita nga signed contract nga gin promisa sa iya nagligad nga water summit.

Una na nga ginkasugtan sa water summit nga ma deliver sang Baciwa-Primewater ang 20MLD nga shortage sang tubig sa sulod sang anum ka bulan.

Ang injection point 2 sang Bacolod Bulk Water Incorporated sa Murcia ang target makadeliver sang 15 million liters a day samtang magahalin naman sa spring water sa Barangay Alangilan ang dugang nga 5 million liters per day.

May proposal man nga magtukod sang water supply kag filtration facility kag maka deliver sang dugang nga 20MLD halin sa Matab-ang river.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.