MGA NADAKPAN NGA WALA NAGASUKSOK SANG FACEMASKS KAG WALA NAGATUMAN SANG SOCIAL DISTANCING,NAGLAMBOT SA 800

Share on facebook
Share on google
Share on pinterest
Share on twitter
Share on print

Naglab-ot sa 800 ang nagkaladakpan nga wala naga-usar sang face mask kag wala nagatuman sang social distancing sa sulod sang isa ka semana sa syudad sang Bacolod.

Suno kay Bacolod City Police Office ukon BCPO Spokesperson Lt. Col. Ariel Pico, ang mga suspetsado nadakpan sa akto nga nagbayolar sa protocol sang Inter Agency Task Force against Covid-19.

Dugang  pa ni Pico, makaligad ang pila ka oras nga pag-costudy sa ila kag ginkuhaan sang data, gilayon man ginapapa-uli sa ila puloy-an ang mga nadakpan.

Palayag pa ni Pico, wala nagakahulugan nga tungod ginpapuli ang mga nagkaladakpan, nahilway na sila sa kaso bangod ang otoridad ginaproseso na ang pagpasaka subong nga semana.

Nahibalu-an, ang mga nadakpan, mahimo nga mapriso sang isa ka bulan tubtob anum ka bulan kag magabayad sang penalidad nga 10,000 pesos kun napamatud-an sang korte nga nakahimo sang sala’.

CAELIAN LIWAT NGA NAGPOSITIBO SA COVID-19

Liwat nga nagpositibo sa coronavirus disease (COVID-19) si Provincial Disaster Management Program Division (PDMPD) Head kag Provincial Incident Management Team (PIMT) Commander Dr. Zeaphard Gerhart Caelian.

Suno kay Caelian, Biyernes Hulyo 23 sang maglain ang iya pamatyag gani siya ang nagpa swab test sang Lunes Hulyo 26 kag nagpositibo sa COVID-19.

Gin swab test man ang myembro sang iya pamilya apang lunsay nagnegatibo ang resulta.

Ginpaidalom na sa decontamination ang opisina sang PDMPD sa Panaad Park Mansilingan kag gin swab test man ang pila ka mga personnel sini nga naka close contact kay Caelian.

Marso 2021, si Caelian ang nagpositibo man sa COVID-19 isa ka adlaw antis ang iya schedule sa una nga dose sang AstraZeneca vaccine.

Sa karon siya ang naka isolate sa Mambucal Resort banwa sang Murcia. | Aksyon Marlon Genovea

DUHA KA DRIVER NAG AREGLUHANAY MATAPOS ANG AKSIDENTE SA BARANGAY ALIJIS

Nag-areglohanay ang magtimbang nga driver sa natabo ang aksidente kaina sang aga sa Circumferential Road South, Barangay Alijis syudad, syudad sang Bacolod.

Ang driver sang Suzuki Aluminum Van ginamaniho ni Randy Alunan, 34 anyos pumuloyo sang Purok Paho Barangay Taculing syudad sang Bacolod.

Samtang ang Mitsubishi Mini Canter ginamaniho naman ni Michael Tim-tim, 43 anyos kag pumuloyo sang Phase 3 Barangay Handumanan syudad sang Bacolod.

Suno kay Police Senior Master Sgt. Clark Cañon, traffic investigator sang Police Station 7, nagaparking ang Suzuki Aluminum Van sang ginbunggoan ini sang Mitsubishi Mini Canter.

Bangod sang impact natumba ang van kag naglapta sa dalan ang mga goods nga igadeliver sa tyangge.

Suno kay Cañon, naka-angkon sang minor nga kapilasan si alunan kag tim-tim matapos sang aksidente. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.