Gin patigayon kahapon nga adlaw, Miyerkules Agosto 3 ang contract signing sa tunga sang probinsya kag mga indibidwal nga natalana maga okupar ukon maga renta sang pwesto sa Food Market Terminal.
Suno kay Provincial Administrator Atty. Rayfrando Diaz, Agosto 8 gintalana ang pag turn over sang mga pwesto apang maga umpisa pa ang ila pagbayad sang renta sa tion nga maga sugod na ang ila operasyon bangud man man sang pila ka mga improvement nga dapat patigayunon sa ila tagsa ka mga lugar.
Dugang pa ni Diaz, base sa ila record may yara sang 25 ka mga fish stall ang tigayon nga na award, vegetable stall 6, meat and poultry 7, dry goods 6, bagsakan stall 3, tulahan kitchen 4 kag vending kiosk nga 5.
Suno pa kay Diaz, ini nga proyekto ang maga resulta sang dugang nga income para sa probinsya sang Negros Occidental. | Aksyon Art Tayhopon