MENU

MGA REBELDE GINATUDLO SUSPEK SA PAGPATAY SA ASSET SANG MILITAR SA MOISES PADILLA

  • at 8:11 pm
Share on facebook
Share on pinterest
Share on twitter
Share on print

Mga rebelde ang ginatudlo nga suspek sa pagpatay sa isa ka asset sang militar sa Sitio Tubod, Barangay Macagahay, banwa sang Moises Padilla sadtong Enero 19.

Suno kay Police Major Jovito Bose, apat ka mga rebelde nga kalakip sa SPARU Unit sang CCP-NPA ang ginatudlo responsable sa pagpatay kay Raffy Estorco, 29 anyos.

Dugang pa ni Bose, antis natabo ang pagpangluthang, nakabaton sang madamo nga pagpamahog sa kabuhi si Estorco gikan sa mga rebelde.

May ngalan naman ang kapulisan sang mga suspek apang suno kay Bose indi pa nila ini mapalayag bangud nga wala pa mapasaka ang kaso.

Ginpahayag man ni Bose nga basi sa panaysayon sang pamilya sang biktima, si Estorco isa ka aktibo nga asset sang mga militar sa banwa sang Moises Padilla.

Sa karun, ginahulat pa sang kapulisan nga makapakig-angut sa ila ang pamilya sang biktima para mapasaka na ang nagakaigo nga kaso batuk sa mga suspek. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

BFP NEG OCC NAKA ALERTO NA PARA SA SEMANA SANTA 2023

April 2, 2023

Maga-umpisa na ang deployment plan sang BFP Negros Occidental Provincial office para sa “Oplan Semana Santa Lakbay Alalay 2023”.

Suno kay FCInsp. Rodel Legaspi, ginamanduan sini ang tanan nga mga bombero sa tagsa ka mga banwa kag syudad sa probinsya nga mag-isa upod sa mga katapo sang PNP, DPWH kag iban pa agud asisteran ang mga motorista nga magabiyahe padulong sa ila tagsa ka mga lugar.

Gina alerto man ni Legaspi ang mga miembro sang BFP Special Rescue Force kag BFP Quick Response Team  nga magaresponder sa tion sang emerhensya.

Dugang pa ni Legaspi, handum sang ila ahensya nga mapasiguro ang seguridad sang publiko.

Kasunod sa pagpamalandong sa semana santa, ginamanduan man sini ang mga City kag Municipal fire marshal nga magpatigayon sang rekoridad kag magpanagtag sang mga fire safety prevention tips agud malikaw sa sunog. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

REKLAMO NGA MURDER GINPASAKA BATUK SA TATLO KA SUSPEK SA KINAGAMO SA MURCIA

April 2, 2023

Ginpasaka na ang murder complaint subong nga Sabado, batuk sa tatlo ka mga suspek nga sanday Marjune Gallano, Jojie Gallano, kag Venus Grace Catbagan lunsay residente sang Brgy Canlandog, banwa sang Murcia nga ginatudlo nga responsable sa kinagamo nga nagluntad sa Brgy Salvacion, banwa sang Murcia ala 1:10 sang aga, sang Byernes nga adlaw, Marso 31.

Suno kay Police Major Marc Joeil Reclamado, Chief of Police sang Murcia PNP nga kaupod man nga nagpadulong sa Hall of Justice ang pamilya sang mga biktima.

Ginkumpirmar ni Reclamado nga outpatient na sa karon ang isa ka pulis samtang yara pa sa ospital ang isa ka personnel kag estable na ang kondisyon samtang, ang isa ka sibilyan ang yara pa sa ospital kag estable naman ang medical status.

Nagpanugyan man ang hepe sa publiko nga kun mag-inom-inom dapat magsinadya lang kag likawan ang ginamo nga makaresulta sang krimen.

Nagpasiguro man si Reclamado sa pumuluyo nga padayon ang ila trabaho nga mapabilin ang kalinong kag katawhay sang banwa.

Sa piyhak nga bahin, maga-deploy man ang hepe sang mga police personnel sa mga lugar nga permi ginabisita sang turista sa maabot nga semana santa. | Aksyon Zil Menardo

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.