MGA RESIDENTE SANG BARANGAY 12 GINHATAGAN TUBTOB ENERO 8, 2024 PARA MAGBIYA SA LUGAR

Share on facebook
Share on pinterest
Share on twitter
Share on print

Nagpapanaug na ang Bacolod City Legal Office sang notice to vacate sa mga residente sang Purok Malipayon, Barangay 12, syudad sang Bacolod, Martes, Disyembre 5, 2023.

Suno kay City Legal Officer Atty. Romeo Carlos Ting Jr., ginhatagan ang mga residente tubtob Enero 8, 2024 nga magbiya sa lugar.

Gintalana sa Enero 15, 2024 ang pagbutang sang perimeter fence sang developer nga SM Prime Holdings Inc.

Suno kay Ting, sa 50 ka mga pamilya nga na validate sang Bacolod Housing Authority, 32 lamang ang kwalipikado sa relocation site samtang ang nabilin ang nahatagan na sadto sang relocation sang syudad.

Ginpahayag ni Ting, makabaton sang relocation site kag financial assistance ang 32 ka pamilya nga kwalipikado samtang ang iban nga apektado ang makabaton lamang sang financial assistance.

Una na sadto nga ginpahayag ni Ting nga may kasugtanan na nga ginpirmahan ang LGU kag SM lakip man ang ila advance payment kag posible mangatubang sang problema ang ila opisina kon indi masunod ang mga probisyon sang kontrata.

Lakip sa proyekto sa lugar ang redevelopment sang Manokan Country, pagtukod sang BPO Towers kag iban pa.

What’s your Reaction?
+1
0
+1
0
+1
0
+1
0
+1
0
+1
0
+1
0

BANGKAY NGA NASAPWAN SA BARANGAY TACULING, NAKILALA NA

Ginkumpimar ni PCapt. Dax Santillan, hepe sang BCPO Police Station 6, nga nakilala na ang bangkay sang isa ka call center agent matapos nasapwan nga wala na sang kabuhi sang Sabado, Pebrero 24 sa corner Circon st Corazon Aquino Drive, Barangay Taculing, syudad sang Bacolod.

Suno kay Santillan, ang biktima ginkilala kay Michael Johann Christian Persey, 29 anyos kag residente sang Repullo St. Barangay 5, syudad sang Kabankalan.

Dugang pa ni Santillan, nagpadulong sa opisina sang Police station #6 ang iloy ni Persey kag positibo nga ginkilala sini ang iya bata matapos nagpadulong sa Morgue sang Bacolod Adventist Medical Center.

Ginapahayag man ni Santillan nga nagpamalibad ang iloy sang biktima nga ipaidalum pa sa autopsy ang bangkay ni Persey sa tuyo kon tani nga hibaluon ang “cause of death” sini sa baylo gindala na lamang ang bangkay sang biktima sa syudad sang Kabankalan.

Sa karon blangko pa ag mga kapulisan sa pagkilala sa suspek kag kung ano ang gingamit sa pagpatay.

Madumduman, alas 5:15 sang aga sadtong adlaw sang Sabado, nasapwan ang patay nga lawas ni Persey sa kilid sang dalan nga may pilas sa dughan kag tangkugo.

What’s your Reaction?
+1
0
+1
0
+1
0
+1
0
+1
0
+1
1
+1
0

BATA NGA NAGPANAGO SA IDALUM SANG PICK-UP AKSIDENTE NGA NALAPAKAN, PATAY

Patay ang 4 ka tuig nga bata nga lalaki matapos nalapakan sang goma sang salakyan sa atubang sang KMart, sa dalan Galo, barangay 22, syudad sang Bacolod, alas 7:20 kagab-i, Sabado, (Feb. 24).

Sa inisyal nga pagpangusisa ni Capt. Francis Depasucat, hepe sang BCPO Police Station 4, ang menor de edad residente sang Galo, Barangay 22.

Ang suspek nga driver sang Navara pick-up ang isa ka babayi nagapang-edaron sang 35 anyos.

Dugang pa ni Depasucat, ginaalegar nagahampang ang biktima upod sa pila pa ka menor de edad kag nagpanago sa idalum sang pick-up sang aksidente nga naisulan kag nalapakan sang pangulihi nga goma ang lawas sini.

Ginhingagaw pa kon tani dala ang biktima sa Corazon Locsin Montelibano Memorial Hospital apang napatay samtang ginabulong.

Ginpahayag man ni Depasucat nga nag-istoryahanay na ang pamilya sang biktima kag ang suspek kag ginsabat man sini ang mga gasto asta sa pagpalubong.

Hungod nga wala ginhingadlan ni Depasucat ang ngalan sang suspek basi sa pangabay sang pamilya.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.