MILITAR KAG MGA MIYEMBRO SANG NPA MAKA-APAT KA BESES NAG-ENGKWENTRO

Share on facebook
Share on google
Share on pinterest
Share on twitter
Share on print

Ginpahayag ni 2nd Lt. Weann Sandag, Civil Military Operations sang 15th Infantry Battalion nga maka apat ka beses nag engkwentruhanay ang tropa sang militar kag gin alegar mga katapo sang New People’s Army (NPA) sa Purok 5, Sitio Guinubatan, Barangay Caningay, banwa sang Candoni subong nga adlaw, Martes.

Sa interview sa Aksyon Firing Line, ginpahayag ni Sandag nga ginabulubanta 30 tubtub 40 ka miyembro sang NPA sa idalom sang South West Front ang nagatiner sa ila harbor sight, nga nadiskubrehan sang militar, sa bulig sang komunidad sa lugar.

Ginklaro ni Sandag, wala sang napatay sa hanay sang militar kag wala pa nahibaluan sa bahin sang NPA matapos nga wala man sa body recoveries kundi mga tinulo’ lamang sang dugo.

Sa karon, nagapadayon ang clearing operations sang militar sa lugar.

Samtang, 14 ka pamilya ang nagdulhog kag nagtiner temporaryo sa ila mga himata, bangod sa kakulba kag para sa ila seguridad kasunod sang engkwentro. | Aksyon Ann Defensor

PROBINSYA GINKILALA ANG AKSYON RADYO BACOLOD SA KAMPANYA KONTRA ASF

(Capitol PIO Photo, July 26 2021)

Isa ang dyEZ Aksyon Radyo Bacolod sa mga ahensiya  nga ginpasidungan  sa suporta kag kontribusyon  bilang partner sang African Swine Fever (ASF) Task Force in media sa kampanya agud mapabilin nga ASF-Free ang Negros Occidental. 

Ang plaque of commendation ang ginhatag  ni Governor Bong Lacson kag ASF Task Force  Co-Chairperson Provincial Veterinarian Dr. Renante Decena sa Social Hall sang   kapitolyo probinsiyal subong nga adlaw Hulyo 26, 2021, kadungan sa ikaduha ka tuig  nga anibersaryo sa pagtukod sang Provincial ASF Task Force.

Hulyo 26, 2019 sang gintukod ang task force paagi sa Executive Order No. 19-23 ni Governor Lacson,  matapos ideklarar ang outbreaks sa ASF  sa pila ka mga  probinsiya  sa Pilipinas  umpisa  tuig  2019. | Aksyon Marlon Genovea

LALAKI, PATAY SANG GINBUNO SA ISABELA

Patay ang isa ka trabahante sang ini ang ginbuno sa Sitio Galo, Barangay 5, Banwa sang Isabela tinalikdan nga Domingo sang hapon.

Ang biktima ginkilala kay Jose Anillo, 45 anyos, nagapuyo sa Sitio San Jose, Barangay Bulad, samtang ang suspetsado ginkilala naman kay Bienvinido Pordan, 46 anyos kag nagapuyo naman sa lugar sang insidente.

Sa imbestigasyon sang Isabela PNP, nagahugas gid lamang sang motorsiklo si Anillo sang ginbuno ni Porda sa wala pa mahibal-an nga motibo.

Nadakpan ang suspetsado sa manhunt operation sang otoridad. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.