MILITAR SA REGION 6 NAKA ALERTO MATAPOS ANG PAGPAMOMBA SA MARAWI

Share on facebook
Share on pinterest
Share on twitter
Share on print

Ginmando ni Brigadier General Marion Sison, Commander sang 3rd Infantry Division, ang pag alerto sang militar sa Western Visayas matapos ang nagluntad nga pagpamomba sa syudad sang Marawi.

Suno kay Lt. Col Jjay Javines, Spokesperson sang 3ID , naka-heightened sa karon ang intelligence monitoring kag nagapadayon ang collaboration kag close coordination sang Philippine Army sa mga stakeholders kag partners kaangay sang PNP,LGUs, komunidad.

Tuyo sang militar nga mapabaskog ang security measure sa mga publiko nga lugar ilabi na sa mga terminals, ports, simbahan kag eskwelahan bangud nagahilapit na ang paskwa sa diin nagadamo ang tawo kag mga turista nga nagakadto sa pila ka mga lugar sa Western Visayas.

Suno kay Javines wala man sila may report nga may mga lider sang terorista nga grupo sa Visayas.

Ginapa-alerto ang mga militar sa tanan nga tion ilabi na may pagtililipon kag may dalagko nga events agud mahibaluan kon sin-o ang nagakaladto agud mangin preparado sila.

Nagpanugyan man si Javines sa publiko nga mangin mabinantayon kag kon may yara sang may makit-an nga ginabandonar nga gamit ukon bagahe kag suspicious nga mga persona gilayon nga ireport sa otoridad ukon Barangay.

Dugang pa ni Javines, indi dapat magkahadlok ang publiko kag magpadayon sa ila mga aktibidad apang kinahanglan nga manilag sa nagakalatabo.

What’s your Reaction?
+1
0
+1
0
+1
0
+1
0
+1
0
+1
0
+1
0

GINALEGAR DRUG PERSONALITY GINTIRO, PILASON

Ginabulong sa San Carlos City Hospital ang isa drug personality matapos ginluthang sa Zone 5, Brgy. 5, syudad sang San Carlos, alas 3:20 sang hapon Sabado, (Feb. 24).

Ang biktima ginkilala kay Regie Villana kag residente sang sang amo nga lugar samtang ang suspek ginkilala naman kay Lionio Pastrana 25 anyos kag residente sang Sitio Agtotonoy, Brgy. Prosperidad.

Sa inisyal nga pagpangusisa ni PMaj. Ryan Villasario, deputy chief of police sang San Carlos City PNP, samtang nagapauli l si Villana sa iya puloy-an, sa ginbantayan kag hungod nga ginluthang ni Pastrana gamit ang cal. 45 pistol.

Gilayon nga gindala sa ospital si Villana matapos nakaangkon samg pilas sa tiyan kag kamot.

Sa sa bulig sang CCTV, nakilala kag nadakpan ang suspek nga karon nahunong na sa custodial facility sang San Carlos City PNP.

Narekober sang mga otoridad ang isa ka unit sang .45 cal pistol nga may (7) pito ka mga bala.
Away sa ilegal nga druga ang ginalantaw nga motibo sa pagluthang.

What’s your Reaction?
+1
0
+1
0
+1
0
+1
0
+1
0
+1
0
+1
0

KAPIN 1M NGA BULIG PINANSYAL GINHATAG SANG DSWD SA NA APEKTUHAN SA EKWENTRO SA ESCALANTE KAG TOBOSO

Kapin P1 million pesos nga bulig pinansiyal ang ginhatag sang Department of Social Welfare and Development (DSWD) Field Office VI – Disaster Response Management Division sa mga Internally Displaced Individuals nga naapektohan sang armed conflict sa boundary sang Escalante kag Toboso, Negros Occidental.

Suno kay DSWD Region 6 Director Atty. Carmelo N. Nochete, nabalaka ang ila departamento sa trauma nga gintuga sang sunod-sunod nga lupok , sa mga pamilya ilabi na sa mga kabataan. Basi sa report sang Local Social Welfare Office sang Escalante kag Toboso, 268 ka mga pamilya nga may 1,092 ka mga individual ang apektado.

240 ka mga pamilya nga may 980 ka mga indibidwal ang nagtener sa mga evacuation centers.

Gin-usisa man sang DSWD personnel ang mga evacuees agud mahibaluan ang ila mga isyu kag concerns sa sulod sang evacuation center.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.