MENU

MONITORING SANG DROGA SUBONG NGA DISYEMBRE NAGAPADAYON – CDEU

  • at 12:06 am
Share on facebook
Share on pinterest
Share on twitter
Share on print

Ginamonitor sang Bacolod City Police Office City Drug Enforcement Unit ukon CDEU ang posible liwat pagsulod sang druga sini nga bulan sang Desyembre.

Suno kay CDEU head Police Lt. Joven Mogato pagkatapos sang Masskara Festival nagnubo ang supply sang shabu pero nagmahal ang presyo.

Suno kay Mogato, kon mapunggan nila ang pagsulod sang druga sini nga bulan sang Desyembre posible magapabilin nga mahal ang presyo.

Liwat nanawagan si Mogato sa publiko nga buligan sila nga mapunggan ang pagsulod sang druga diri sa syudad sang Bacolod paagi sa impormasyon nga ila mahatag sa kapulisan.

Nagpasalamat si Mogato sa Philippine Drug Enforcement Agency ukon PDEA sa ila suporta kag bulig sa kampanya kontra druga. | Aksyon Eric Magbanua

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI NGA MAY DALA NGA ARMAS LUTHANG SA SAN CARLOS, GINDAKOP

January 28, 2023

Nahunong karon sa custodial facility sang San Carlos City Police Station ang 41 anyos nga lalaki matapos nakuhaan sang armas sa San Juan/Bonifacio, Brgy. 5, syudad sang San Carlos las 12:10 sang kaagahon, Enero 28.

Ang nadakpan ginkilala kay Expedito Sayon kag residente sang Prk Agulang, Barangay Villegas, syudad sang Guihulngan, Negros Oriental.

Nagapatigayon sang mobile patrol ang grupo ni Police Master Sgt Rosendo Rosagazo Jr. kag nakita nga nagalabaw sa sling bag ni Sayon ang handle sang armas ni Sayon kag sang gin usisa, nakita ang isa cal. 38 revolver kargado sang 5  ka mga bala.

Si Sayon ang nagapangatubang sang kaso paglapas sa RA 10591 ukon paghupot samg ilegal nga armas.  | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
1
+1
0

PASTRANA NAGKLARO NGA INDI MATUOD NGA IMBOLBADO SA DROGA ANG PULIS NGA NALAKIP SA 22 KA NGALAN NGA GINAAKUSAR

January 28, 2023

Ginkumpirmar ni Captain Jonito Pastrana, hepe sang Police Station 2, nga isa ka ngalan sang pulis nga alyas RR ang nalakip sa listahan nga gina akusar nga konektado sa droga.

Madumduman, ang alyas nga RR ang nalakip sa 22 ka mga ngalan nga gina akusahan nga pusher ukon protektor sang droga nga nakita kaupod sa duha ka utod nga kamot sa Purok Kagaykay, Barangay 2.

Suno kay Pastrana, iya ginakabig nga labugay lamang ang listahan bangud iya personal nga kilala si RR nga sadto corporal ang ranggo kag karon na promote bilang Staff Sergeant.

Ginpahayag sang hepe, nga bisan ang mga kaupdanan nga pulis ni RR ang makahatag sang testimoniya nga indi ini imbolbado sa iligal nga droga.

Ginkumpirmar ni Pastrana nga si RR karon ang naga schooling kag nakadakop sang tatlo ka drug personality nga nalakip man sa amo nga listahan.

Samtang, wala na sang may nagdugang nga persona nga yara man sa listahan ang nagdangop sa Barangay kag Police Station 2.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.