MOTORSIKLO NGA GIN TEST DRIVE, GINKAWAT

Share on facebook
Share on google
Share on pinterest
Share on twitter
Share on print

Ginkawat sang wala makilala nga persona ang isa ka motorsiklo matapos nga gin test drive mga ala 1:40 kaina sang hapon sa Cottage Road, Barangay Mansilingan, syudad sang Bacolod.

Base sa facebook post ni Phelt Lopez, nagapagayo ini sang bulig matapos nga gin motornap ang iya Yamaha Aerox 155cc sang ini ang gin test drive.

Ginlaragway sini ang lalaki nga moreno kag tambukon.

Suno kay Lopez, pagkatapos sang tatlo ka minutos nag duda na ini nga wala pa makabalik rason nga iya ini ginsundan asta sa highway tubtob nga indi na niya ma contact ang lalaki.

Ginpahayag sang tagreklamo, nga nalakip man sa motorsiklo ang original nga OR/CR kag deed of sale.

What’s your Reaction?
+1
0
+1
0
+1
0
+1
0
+1
0
+1
0
+1
0

20.4M NGA BALOR SANG SUSPECTED SHABU NAKUHA SA DUHA KA BYAHERO

Narekober ang tatlo ka kilo sang ginasuspetsuhan shabu nga nagabili sang 20.4 milyones pesos sa duha ka mga Maranao nga nagsakay sa Roll-on Roll-off (RoRo) vessels padulong sa syudad sang Bacolod kaina sang udto, Lunes.

Ang mga nadakpan ginkilala sanday Aslani Disomangcut Usman, 38 anyos kag Jalane Mohammad Ambulo, 32 anyos nga pareho tumandok sang Marawi, Lanao Del Sur.

Suno kay PDEA-Negros Occidental Agent Bamboo, nagapatigayon sang regular nga profiling kag paneling ang mga personnel sang PDEA sang na-detect sang isa sa ila K9 ang salakyan nga may unod sang illegal drugs.

Nakuha sa compartment sang salakyan ang tatlo ka putos nga may unod sang ginasuspetsuhan shabu.

Narekober man sang kapulisan ang duha ka touchscreen mobile phones kag personal ID sang mga suspetsado.

Bangud sang narekober nga ginasuspetsuhan shabu, ginakabig ang mga nagkaladakpan nga high value individuals.

Ginpanginwala naman sang mga nadakpan nga ila ang mga ginasuspetsuhan shabu.

Sa pagsaysay ni Ambulo sa Aksyon Radyo Bacolod, ginpahulam lamang sang iya abyan nga residente sang Metro Manila ang salakyan matapos sini mahibaloan nga magapauli sila sa Marawi.

Aligasyon pa ni Ambulo, masami na nila nga alagyan ang syudad sang Bacolod kun magpauli sa Marawi bangud nga nagalabay sila sa ila mga kakilala sa Barangay 31, sa syudad sang Bacolod.

Dugang pa ni Ambulo, wala man ini sang ideya nga may nakatago nga droga sa compartment sang salakyan. Palayag pa ni Ambulo nga sa online lamang gid sila nagkilalahay sang persona nga nagpahulam sa ila sang salakyan.

Ginkumpirmar ni Philippine Coast Guard-Negros Occidental Commander Captain Ludovico Librilla nga ang grupo nanday Usman kag Ambulo ang madugay na nga gina-surveillance sang otoridad.

Dugang pa ni Librilla, basi sa impormasyon gikan sa mga confidential informant, makatatlo na ka beses nga nagabalik-balik sa syudad sang Bacolod ang mga suspetsado.

Nagpasalamat naman si Librilla sa kooperasyon sang publiko sa paghatag sang mga impormasyon sa PCG. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

BACOLOD GINADUSO ANG NEGATIVE ANTIGEN TEST RESULT SA MGA TRAVELER HALIN SA MANILA

Ginaduso sang lokal nga panguluhan sang syudad sang Bacolod nga tugutan ang mga inbound passengers halin sa Manila nga mag presentar sang negative Rapid Antigen Test sang sa negative RT-PCR Test result para sa mga fully vaccinated.

Si Bacolod Mayor Evelio Leonarda ang nagpadala sang sulat kay Governor Bong Lacson nga nagapangabay sang virtual meeting sa tuyo nga ma harmonize ang travel guidelines upod ang kapitolyo probinsyal.

Base sa sulat ni Leonardia, nakabaton sang madamo nga mga concern ang syudad kag mga opisyal halin sa in-bound travelers halin sa Manila angut sa requirement nga negative RT-PCR test result nga dapat 72 hours antes ang ila nga scheduled flights.

Pero bangud sa pagsaka sang Covid-19 cases sa NCR, ginpahayag sang Alkalde, nga madamo ang RT-PCR tests nga ginapatigayon sa mga DOH accredited clinics kag molecular laboratories nga naga resulta sa pag release sang test resulta lapaw sa 72 oras nga required period.

Suno sa Alkalde, ginpalambot man sa ila ang concern angut sa presyo sang RT-PCR Test nga 3,300 tubtob 5,000 sa kada test, ikomparar sa RAT nga 800 pesos kag magwa ang resulta sa sulod snag 30 minutos.

Suno pa kay Leonardia, gina konsiderar man sang syudad nga ang mga pasahero sa Manila nga wala nakakuha sang kopya sang ila RT-PCR test result sa insakto nga tion bangud sa delay sa molecular laboraties, ang tugutan nga makasay sa eroplano pero dapat magpaidalum sa RAT sa pag abot sa Bacolod-Silay Aiport.

Ginpahayag ni Dr. Chris Sorongon, deputy for medical and data analysis sang Bacolod Emergency Operations Center, ila pa ginahulat ang sabat sang gobernador kag nagalaum nga madayon ang ginapangabay nga pagsinapol.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.