Nakabaton sang bag-o nga patrol car ang Murcia PNP.
Ini isa ka brand new toyota hilux patrol car nga gindonar sang Murcia LGU sa pagpanguna ni Mayor Gerry Rojas.
Suno kay Police Major Marc Joeil Reclamado, hepe sang Murcia PNP, ang bag-o nga patrol ang gamiton sang Special Weapons and Tactics sang banwa.
Ini ang magamit sa pagrespondi sa mga insidente ukon krimen nga mahimo magluntad sa banwa sang Murcia.
Sa karun, may apat ka mga PNP personnel nga ginhanas na sa patag sang SWAT kag plano ni Mayor Rojas nga dugangan ang ini nga mga personnel agud preparado ang PNP sa banwa sang Murcia ilabi na sa dalagko nga mga kahiwatan. | Aksyon John Diaz