MYEMBRO SANG EPOGON GROUP PATAY MATAPOS GINALEGAR NAGBATO SA KAPULISAN

Share on facebook
Share on google
Share on pinterest
Share on twitter
Share on print

Napatay ang isa ka miyembro sang Epogon Group matapos nagbato sa mga otoridad kahapon sa syudad Sipalay.

Ang napatay ginkilala kay Eddie Epogon, residente sang Barangay San Jose sang amo nga syudad. 

Suno kay PLt. Col. Roldan Daniel, tagpamuno sang CIDG Negros Occidental Provincial Field Unit paagi sa joint operation sang CIDG, RSOG6, Sipalay City PNP kag 15th IB., plano kontani sang mga otoridad nga magserbi sang search Warrant kag warrant of arrest para kay Epogon apang ginsugata ang mga ini sang madamo nga lupok.

Dugang pa ni Daniel, bangod sa amo nga insidente, wala na sang may mahimo pa ang ila hanay, sa baylo naobligar ang mga nga magbato sa suspek. 

Dugang pa ni Daniel, si Epogon ang may tatlo ka mga kaso nga amo ang Robbery with homicide, violation sang 10591 ukon  kag ilegal nga droga.

Nakuha sa lugar sang insidente ang isa ka cal. 45 pistol nga gin gamit ni Epogon sa pagpalupok kag isa pa ka granada. | Aksyon Alvin Grava

DOH MAGAPATIGAYON SANG SITE INSPECTION SA POSIBLE PATUKURAN SANG BACOLOD GENERAL HOSPITAL

Magapadulong ang DOH sa syudad sang Bacolod para sa site inspection sa lugar nga posible pagatukuran sang Bacolod General Hospital.

Ini matapos nga damlag lang, ginpabalo sang DOH si Congressman Greg Gasataya nga ginlakip na sang Department of Budget and Management ukon DBM ang pondo para sa pag tukod sang hospital sa 2022 National Expenditure Program.

Suno kay Gasataya, tinalikdan nga semana sang ginpabalo siya sang DOH nga luyag nga magpadulong sa Bacolod para sa site inspection pero wala pa sang pat-od nga petsa.

Nagpangabay man si Gasataya sa DPWH kag DOH nga mag himo sang perspective sang hospital bilang preparasyon sa natalana nga budget deliberation sang kongreso.

Suno sa Kongresista, indi pa niya mapalayag ang mga lugar nga posible tukuran sang hospital pero nagapabilin pa nga bukas sa tion nga may luyag pa nga magtanyag sang propedad.

TOP 4 DRUG PERSONALITY SANG KABANKALAN PNP, NADAKPAN

Liwat magapangatubang sa dugang nga kaso ang Top 4 drug priority target list sang Kabankalan City Police Station matapos nakuhaan sang ilegal nga druga sa Sitio Nato, Brgy. Aguisan, syudad sang Himamaylan kagab-i, Hulyo 28.

Ang suspek ginkilala kay Joy Jen Utana, 28 anyos residente sang Brgy 6, syudad sang Kabankalan.

Suno kay PLt. Arturo Margallo, Deputy Chief of Police sang Himamaylan City Police station, si Utana ang nalista bilang number 1 most wanted person sang Kabankalan PNP kag paagi sa Manhunt Charlie Operation, tigayon nga ginserbi sa iya ang mandamiento de aresto sa kaso Violation of Sec. 5, sang R.A. 9165, kag wala sang piyansa batok sa iya.

Sa pag-aresto, narekober sa iya ang 1 ka gramo sang ginasuspetsuhan shabu nga may Standard Drug Price 6,800.

Si Utana ang priso karon sa custodial facility sang Himamaylan PNP kag ginahanda na ang kaso paghupot sang ilegal nga druga kag drug paraphernalia batok sa iya. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.