NA-MISSING NGA MANGINGISDA SA BAYBAYON SANG HINOBAAN, NAKIT-AN NA

Share on facebook
Share on pinterest
Share on twitter
Share on print

Nakit-an na ang na-missing nga mangingisda sa search and rescue operation sang Special Operations Unit, PCG-Hinoba-an, Bantay Dagat kag MDRRMO las 6:30 sang gab-i, Byernes.
Nakit-an ang mangingisda nga ginkilala kay Feb Macabani Cayao, 47 anyos, sa baybayon sakop sang Barangay Bongalonan, Basay, Negros Oriental.

Suno kay Cayao, las 12 sang kaagahon, biyernes sang magpangisda ini sa diin, iya ginhigot ang motorized banca sa bouy, sa baybayon sakop sang Barangay Asia, banwa sang Hinoba-an sang hinali nag igo ang dako nga balod sa iya sakayan kag nagtuga sang damage. | Aksyon Ann Defensor

What’s your Reaction?
+1
0
+1
0
+1
0
+1
0
+1
0
+1
0
+1
0

POLICE STATION 2 GINPASANYOG PA ANG KAMPANYA KONTRA KRIMINALIDAD

Padayon ang kadalag-an sang Bacolod City Police Station 2 sa mas ginpasanyog nga kampanya batuk sa tanan nga sahi sang kriminalidad kun sa diin madamo ang nagkaladakpan nga mga persona nga may nagkalain-lain nga kaso.

Suno kay Police Captain Paul Vincent Pendon, hepe sang Bacolod Police Station 2, anum ang naaresto sa lima ka drug buy-bust operations nga nagresulta sa pagkumpiskar sang 2,104,389 nga balor sang ilegal nga droga nga nagabug-at sang 309.469 gramos.

Naaresto man ang duha ka most wanted person kag isa diri ang MWP sang station level samtang anum naman ang nadakpan nga other wanted persons.

Sa anti-illegal gambling operations 33 ka indibidwal naman ang nagkaladakpan sa 12 ka operations nga gin patigayon.

Nagapasalamat ang hepe sa mga kaupdanan sa wala untat kag dedikado nga pagtrabaho kasubong man sa kooperasyon sang pumuluyo sa area of responsibility sang Police station 2.

Madumduman nga sa ika -120 kag ika- 121 nga Police Service Anniversary Celebration ang Bacolod City Police Station 2 ang nakabaton sang pareho nga pasidungog nga Best Numbered City Police Station kag Best Unit Campaign Against Illegal Drugs Numbered City Police Station Level. | Aksyon Zil Menardo

What’s your Reaction?
+1
0
+1
0
+1
0
+1
0
+1
0
+1
0
+1
0

DRIVER SANG MOTORSIKLO PATAY SA AKSIDENTE SA SYUDAD SANG BAGO

Patay ang isa ka lalaki matapos nagbunggo ang ginamaneho nga motorsiklo sa isa ka tricycle sa Purok Paho, Brgy Taloc syudad sg Bacolod , las 9 sg gab-i, Oktubre 4.

Sa impormasyon gikan sa kapulisan, wala pa makilala ang driver sg motorsiklo nga Euro 125 cc nga wala sg plate number samtang ang driver sg trisikol amo si Jhick Tabjusay, 37 anyos kag live-in sini nga si Salvacion Labanancia 52, tanan residente sg Purok nami-nami 1, Brgy Sum-ag syudad sg Bacolod.

Dugang pa, padulong norte nga direksyon ang motor samtang pa sur naman ang trisikol sg gin-alegar nag agaw sang lane ang trisikol rason nga nagbungguanay ang motor kag trisikol nga nagresulta sa pag baliskad sg trisikol kag pagkapilas sang mag live-in partner kag pagkapatay sg driver sg motor nga naka angkon sg patal nga pilas sa ulo.

Ginhingagaw pa dala sa hospital ang driver sg trisikol apang gindeklarar nga Dead on Arrival.

Sa karon padayon pa ang imbestigasyon sg kapulisan samtang detinido naman sa custodial facility sg Bago PNP si Tabjusay.

What’s your Reaction?
+1
1
+1
0
+1
0
+1
0
+1
0
+1
0
+1
1

MORE STORIES:

LIKE US ON FACEBOOK

error: Ooops... You are not authorized to copy this content.