NAG BAYOLAR SA ANGKASANAY SA MOTORSIKLO SA BACOLOD NAGDANGAT NA SA 283

Share on facebook
Share on google
Share on pinterest
Share on twitter
Share on print

Naglambot na sa 283 ang nadakpan sang Bacolod Traffic Authority Office umpisa Enero sini nga tuig nga nagalapas sa Executive Order ni Bacolod City Mayor Bing Leonardia angut sa pagsulundan sa pag-angkas sa motorsiklo.

Suno kay BTAO head Col. Luisito Acebuche padayon ang ila dinakpanay ilabi na nga yara sa gihapon ang pandemya.

Dugang pa, nakadeploy ang mga traffic enforcers nga ginpahanugutan nga mag isyu sang citation ticket indi lang sa mga traffic rules violators kundi patiman sa mga nagalapas sa EO.

Palayag pa ni Acebuche nga wala sang may makalusot sa ila bangud istrikto nga gina-usisa sang mga personnel ang nagakaigo nga dokumento nga kinahanglan nila ipakita.

Madumduman, sa pag umpisa sang pandemya ginpatuman ang social distancing rason nga gin limitahan ang kon sin-o kag pila lang ang maka angkas sa mga motorsiklo.

NEGROS OCCIDENTAL NAKARECORD SANG MANUBO NGA ACTIVE COVID-19 CASES SANG ISA KA SEMANA

Isa ka semana nga nakarekord ang Negros Occidental sang sunod sunod nga pagnubo sa aktibo nga kaso sang coronavirus disease (COVID-19).

Sa datos sang Provincial Incident Management Team (PIMT), nag umpisa ang pagnubo sang Hulyo 21, 2021 sa diin ang kaso naglab-ot sa 1,613 halin sa 1,623 sang Hulyo 20.

Ini ang nagpadayon sa sulod sang pito ka adlaw tubtub nga nangin 1,349 na lamang sang Hulyo 27.

Ginpahayag ni Provincial Administrator Atty. Rayfrando Diaz II, nagnubo naman ang occupancy rate sang mga district hospital sa probinsiya.

Nagapati si Diaz nga resulta ini sang mass vaccination nga ginpatigayon kontra COVID-19. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.