NEG OCC INDI ANAY MAGBATON SANG DUGANG NGA COVID-19 VACCINES

Share on facebook
Share on google
Share on pinterest
Share on twitter
Share on print

Indi anay magbaton ang Negros Occidental sang dugang nga suplay sang bakuna kontra COVID-19 halin sa gobyerno nasyonal.

Suno kay Dr. Claudelia Josefa Pabillo in-charge sang Provincial Health Office (PHO) cold storage facility, nakig-angot sa iya ang tiglawas sang gobyerno nasyonal agud hibaluon kun pwede ini makapadala sang dugang nga COVID-19 vaccines sa Negros Occidental.

Ginpaathag ni Pabillo nga wala sang pwede pahamtangan sang mga bakuna, bangud madamo pa sang suplay sini sa cold room sang PHO, ilabi na ang Pfizer nga violate kag orange cap.

Nagapati si Pabillo nga ang pagpamalibad sang pila ka mga Negrosanon sa pagpabakuna amo ang rason kun ngaa madamo sa gihapon sang COVID-19 vaccines ang wala mausar.

Magluwas sini, iya man naobserbahan nga may mga nagapamalibad sa pagpabakuna sang booster shots bangud sa naexperiensiyahan nga epekto sini sa una kag ikaduha nga dose.

Sa report sang Department of Health (DOH) nagligad nga Marso 28, ang Negros Occidental ang may fully vaccinated 60.08% sa target population, kag ginakabig nga pinakamanubo sa Western Visayas. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI NGA HUBOG GINBUNO MATAPOS NAGKUHA TUBIG NGA WALA NAGLISENSYA SA SULOD SANG GOLF AND COUNTRY CLUB SA MURCIA

Ginbuno ang isa ka hubog nga lalaki sa sulod sang Bacolod Golf and Country Club sa Brgy Blumentritt banwa sang Murcia, pasado las 11:30 kagab-e, Hunyo 27.

Ang biktima ang ginkilala kay Jenmore Valenzuela, 38 anyos samtang ang suspetsado naman ang ginkilala kay Ramero Sioson, 50 anyos kag pareho nga residente sang Brgy Blumentritt banwa sang Murcia.

Suno kay Police Staff Sergeant Edwin Celiz, case investigator sang Murcia PNP, nagkuha sang tubi sa sulod sang golf club si Valenzuela apang ginsita ini sang duty maintenance nga si Sioson bangud nga wala makalisensya.

Dugang pa ni Celiz, gulpi nga nagpamwersa si Valenzuela kag nagkuha sang kahoy kag ginlampusan si Sioson sa likod.

Nagkuha naman sang kutsilyo si Sioson kag ginbuno si Valenzuela sa tuo nga ilok.

Gilayon naman nga nadakpan ang suspetsado kag narekober man ang kutsilyo nga nagalaba sang anum ka pulgada nga gingamit ni Sioson sa pagbuno.

Gindala man sa Murcia Health Unit si Valenzuela para sa pagbulong. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

TOP 3 MOST WANTED PERSON SA CAUAYAN, GIN ARESTO

Dakop ang Top 3 Most Wanted Person sang Candoni PNP pinaagi sa pagserbi sang Warrant of Arrest sa Barangay Camindangan, banwa sang Cauayan tinalikdan nga adlaw Hunyo 26.

Ang nadakpan ang ginkilala kay Jerry Patorla alyas Gimoy, 34 anyos kag residente sang Sitio Lin-ab, Barangay Camindangan, banwa sang Cauayan.

Suno kay Police Major Ronald Santillan, si Gimoy ang gin-aresto bangud sang warrant of arrest sa kaso nga “murder” nga ginpapanaug ni Hon. Rodney Z. Magbanua ang Presiding Judge sang Regional Trial Court, Branch 61, sa syudad sang Kabankalan.

Wala sang piyansa nga gintalana ang korte para sa temporaryo nga kahilwayan ni Patorla nga karun nahunong sa custodial facility sang Candoni Municipal Police Station. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.