NEG OCC MAY 1,161 KA DENGUE CASES

Share on facebook
Share on pinterest
Share on twitter
Share on print

Naglab-ot sa 1,161 ang kaso sang dengue sa Negros Occidental subong nga 2022.

Ini ang rekord sang Department of Health Western Visayas Center for Health Development halin Enero 1 tubtub Hunyo 11, 2022.

Nagdangat man sa 521% ang pagsaka sang kaso subong nga 2022 ikomparar nagligad nga 2021 sa amo man nga period.

143 ka bag-o nga kaso ang nagdugang sa Negros Occidental sa morbidity week 22 ukon halin Hunyo 5 tubtub 11 subong nga tuig.

May 3,029 ang kabug-usan nga kaso sa Western Visayas kag may 23 ka mga nagkalamatay. Pinakadamo nga kaso ang narekord sa Negros Occidental, ginsundan sang Antique – 782, probinsiya sang Iloilo – 469, Bacolod – 206, Aklan – 113, kag syudad sang Iloilo – 94.

Sa Negros Occidental ginpahayag ni Provincial Health Officer Dr. Ernell Tumimbang nga nagapadayon ang entomological surveillance sa mga banwa kag syudad para matapna ang breeding sang lamok nga nagadala sang dengue.

Ginakabig ni Tumimbang nga isa ka ‘immediate concern’ ang kaso sang dengue sa Negros Occidental nga nagakinahanglan sang madasig nga aksyon. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.