NEG OCC NADUGANGAN SANG DUHA KA CHOLERA CASES

Share on facebook
Share on pinterest
Share on twitter
Share on print

Pito na ang kompirmado nga kaso sang cholera sa Negros Occidental. Suno kay Governor Bong Lacson may 2 ka nagdugang nga kaso sa diin ang mga pasyente ang residente sang Brgy. Guinhalaran kag E. Lopez syudad sang Silay.

Suno kay Lacson, magamay pa lamang ang kadamuon sang kaso apang may posibilidad nga magdugang kag makabig nga makaalarma kun wala sang ginahimo nga tikang ang lokal nga gobyerno.

Sa karon may lima na ang kaso nga narekord sa Silay sa diin tatlo sa mga ini ang halin sa Guinhalaran.

Isa sa tatlo amo ang 88 anyos nga napatay samtang may isa sa Lantad kag isa man sa E. Lopez.

May isa man ka residente sa EB Magalona kag Victorias ang nagpositibo sa amo nga masakit. Liwat nga ginmando ni Lacson sa mga local government units ang pag-inspeksyon sa mga water sources kag water refilling stations.

Myerkules sang ginpadala na sa Research Institute for Tropical Medicine (RITM) ang water sample nga ginkuha sa lugar nga gina-estaran sang mga pasyente , agud ipaidalom sa laboratory examination.

Samtang, padayon ang monitoring kag education campaign sang City Health Office batuk sa masakit nga cholera kasunod sang kaso nga na record sa Barangay Mansilingan.

Suno kay Dr. Grace Tan, tagpamuno sang Environmental Sanitation Division sang CHO, indi lamang ang Mansilingan ang ila gina monitor kundi pati na ang tanan nga mga Barangay sa Bacolod apisar nga wala na sang panibag-o nga kaso nga na record ang ila talatapan.

Dugang pa ni Tan, magluwas sa cholera, gina tutukan man sang City Health Office ang kampanya batuk sa masakit nga leptospirosis sa diin may yara na sang 25 ka kaso nga na record ang syudad, sa diin 5 diri ka mga persona ukon pasyente ang gin report nga mga nagkalamatay.

What’s your Reaction?
+1
0
+1
0
+1
0
+1
0
+1
0
+1
0
+1
0

HIGH SCHOOL STUDENT DAKOP MATAPOS MABAKLAN SANG MARIJUANA SA BUY-BUST

Nakumpiskar ang tatlo ka plastic sachets sang marijuana isa ka high school student matapos positibo nga mabaklan pinaagi sa drug buy-bust operation sang Bacolod City Police Station 9 sa Prk.San Luis, Brgy.Sum-ag syudad sang Bacolod, Martes.

Ang nadakpan ang ginkilala kay Jeremy Lumanog, 19 anyos , ginakabig bilang isa ka street level individual (SLI) kag residente sang Prk. Proper , Brgy. Tabunan syudad sang Bago.

Narekober sa suspek ang 15.50 gramos sang ginapatihan marijuana kag nagabalor sang 2,000 pesos.

Suno kay Police Lieutenant Rondyl Tapang, hepe sang Police Station 9, nga nakabaton sila sang impormasyon nga si Lumanog ang nagabaligya sa kapareho man sini nga estudyante.

Palayag ni Tapang nga ila man hibaluon kung sa diin nagakuha sang supply si Lumanog .

Priso ang suspek sa Police Station 9. | Aksyon Zil Menardo

What’s your Reaction?
+1
0
+1
0
+1
5
+1
4
+1
1
+1
2
+1
6

LOTTO RESULTS – DECEMBER 6, 2022

6/58 December 6, 2022
53-23-46-22-58-09
348,374,388.00

6/49 December 6, 2022
47-37-25-01-03-23
15,840,000.00

6/42 December 6, 2022
08-19-29-25-02-41
7,176,331.60

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.