Ginpahayag ni Provincial Health Officer Dr. Ernell Tumimbang nga wala sang kaso sang cholera ukon Acute Gastro Enteritis ang narecord sa probinsya sg Negros Occidental.
Suno kay Tumimbang, may mga reported sang diarrhea cases kag mga pagsakit sg tyan apang indi lalà kag indi madamo kaangay sa Iloilo.
Dugang pa ni Tumimbang, padayon man ang ila monitoring.
Paathag ni Tumimbang, kon makapila ka beses na magbalik sa banyo kag naga eksperyensya sg “watery stool” dapat mag pacheck-up na sa doktor.
Palayag ni Tumimbang, ang ginahalinan sg mga kaangay nga masakit amo ang tungod sa higko nga ginakaon kag gina-inom sang mga pumuluyo.
Panugyan ni Tumimbang, dapat hugasan ang mga ingrediente kag lutuon sg husto ang pagkaon kag kon indi sigurado sa ginkuhaan sang tubig, mahimo pabukalan sang 10minutos pasaka antes imnon. | Aksyon Eden Aboso via Aksyon Hotline