NEG OCC NAGPAIN SANG 40M PARA SA PADAYON NGA KAMPANYA KONTRA COVID-19 SA 2023

Share on facebook
Share on pinterest
Share on twitter
Share on print

Kapin P40 million pesos ang ginpain nga pondo sang gobyerno probinsiyal para mapadayon ang kampanya kontra Covid-19 sa Negros Occidental sa 2023.

Suno kay Governor Bong Lacson, nalakip ini sa P5.1 billion pesos nga 2023 budget proposal nga ginsumiter sa Sanguniang Panlalawigan nagligad nga Huwebes.

Apang nagapati ang gobernador nga indi man magasto ang kabug-usan nga P40 million bangud sa palayag sang World Health Organization (WHO), kag Department of Health (DOH) nga posible na nga matapos ang coronavirus pandemic sa Pilipinas masunod nga tuig.

Dugang pa ni Lacson nga kun indi magasto ang amo nga pondo, pwede ini nga ma-realign agud magasto sa iban nga plano.

Nagligad nga Miyerkules, ginpahayag sang WHO nga amat amat na nga nakit-an ang pagtapos sang pandemya bangud sa pagnubo sang kaso sa madamo nga mga pungsod sa kalibutan. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

POLICE STATION 2 GINPASANYOG PA ANG KAMPANYA KONTRA KRIMINALIDAD

Padayon ang kadalag-an sang Bacolod City Police Station 2 sa mas ginpasanyog nga kampanya batuk sa tanan nga sahi sang kriminalidad kun sa diin madamo ang nagkaladakpan nga mga persona nga may nagkalain-lain nga kaso.

Suno kay Police Captain Paul Vincent Pendon, hepe sang Bacolod Police Station 2, anum ang naaresto sa lima ka drug buy-bust operations nga nagresulta sa pagkumpiskar sang 2,104,389 nga balor sang ilegal nga droga nga nagabug-at sang 309.469 gramos.

Naaresto man ang duha ka most wanted person kag isa diri ang MWP sang station level samtang anum naman ang nadakpan nga other wanted persons.

Sa anti-illegal gambling operations 33 ka indibidwal naman ang nagkaladakpan sa 12 ka operations nga gin patigayon.

Nagapasalamat ang hepe sa mga kaupdanan sa wala untat kag dedikado nga pagtrabaho kasubong man sa kooperasyon sang pumuluyo sa area of responsibility sang Police station 2.

Madumduman nga sa ika -120 kag ika- 121 nga Police Service Anniversary Celebration ang Bacolod City Police Station 2 ang nakabaton sang pareho nga pasidungog nga Best Numbered City Police Station kag Best Unit Campaign Against Illegal Drugs Numbered City Police Station Level. | Aksyon Zil Menardo

What’s your Reaction?
+1
0
+1
0
+1
0
+1
0
+1
0
+1
0
+1
0

GOV LACSON WALA SANG MAY NAKIT-AN NGA PROBLEMA SA GINADUSO NGA NEGROS ISLAND REGION KON SIN-O MAN ANG GOBERNADOR SA NEGROS ORIENTAL

Wala sang nakit-an nga problema si Negros Occidental Governor Bong Lacson kun sin-o man ang magapungko nga gobernador sa Negros Oriental, sa ginaduso nga pagbuhi sang Negros Island Region (NIR).

Ini ang ginpahayag ni Lacson sa opisyal nga pagdeklarar kay Roel Degamo bilang nagdaug nga gobernador sa Negros Oriental nagligad nga eleksyon kontra sa malapit nga kasumpong sini nga si Pryde Henry Teves.

Suno kay Lacson handa ang League of Provinces of the Philippines (LPP) sa pagsuporta sa sin-o man nga gobernador sang Negros Oriental.

Dugang pa ni Lacson, dapat lang nga batunon ang anu man nga desisyon sang Comelec ukon korte suprema sa pagkilala sang matuod-tuod nga nagdaug nga kandidato.

Suno kay Lacson nga sang ginpatigayon ang 2nd LPP General Assembly sa syudad sang Koronadal South Cotabato nagligad nga Setyembre 30, isa si Teves sa mga gobernador nga nagtambong kag nag-aprobar sang iya ginpamangkot kun kamusta na ang estado sang NIR.

Nagasalig si Lacson nga suportahan sa gihapon ni Degamo ang pagbuhi sa NIR bangud nagserbe man ini bilang gobernador sang Negros Oriental sang magsugod ang operasyon sang rehiyon sadtong 2015 tubtub 2017.

Nagligad nga Lunes, gindeklarar sang Comelec si Degamo nga amo ang nagdaug sa Negros Oriental gubernatorial race nagligad nga May 2022 elections. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.