MENU

NEG OCC PADAYON NGA NAGAPATUMAN SANG COST CUTTING MEASURES

  • at 6:02 pm
Share on facebook
Share on google
Share on pinterest
Share on twitter
Share on print

Magapadayon ang cost cutting measures sang Negros Occidental ilabi na sa 2023.

Suno kay Provincial Administrator Atty. Rayfrando Diaz, apisar sang 16 porsiyento nga pagtaas sa national tax allotment budget sang probinsya sini nga tuig bangud sa mandanas ruling, ini ang liwat naman nga maga nubo sang 14 porsiyento sa masunod nga tuig bangud man sang manubo nga koleksyon sadtong tuig 2020.

Dugang pa ni Diaz, kapin 600 milyones pesos ang liwat nga inubo sa pondo bangud sang amo nga epekto gani kinahanglanon man sang probinsya nga maghimo sang naga kaigo nga tikang.

Ang cost cutting measures sa Maintenance and Other Operating Expenditures ukon MOOE sang nagkalain lain nga departamento ang gina lakipan sang pondo para sa gasolina, kuryente, supplies, travel kag training. | Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
0

MENOR DE EDAD PATAY SANG MAKURYENTE SA BAGO CITY

June 28, 2022

Patay ang 17 anyos nga menor de edad matapos makuryente samtang ginahimo ang iya trabaho bilang pahinante sang trailer truck.

Sa interview sa Aksyon Hotline, ginpahayag ni Senior Master Sgt. Job Ogaris, Chief Investigator sang Bago City Police Station, las 5:45 sang hapon kahapon, Lunes, Hunyo 27 sang nakabaton sila sang report nga may nakuryente sa Purok Michelle, Brgy. Dulao Bago City.

Ang biktima ginkilala kay John Lloyd Buenaflor.

Sa inisyal nga imbestigasyon sang kapulisan, si Buenaflor ang naga-assist sa backhoe nga ginamaneho ni Reynan Martinez sang natabo ang insidente.

Suno kay Ogaris, naga-assist si Buenaflor sa kay Martinez agud ikarga ang backhoe sa trailer truck, lipod sa ihibalo ni Martinez, nalambot sini ang main line sang CENECO sa diin ginapatihan naglatay ang kuryente padulong sa trailer truck bagay nga gintunaan sang pagka-kuryente sang menor de edad.

Ginhingagaw pa ini nga madala sa hospital apang las 7 lunes sang gab i, ini siya ang gindeklarar nga nagtaliwan na.

Ang pamilya sang menor de edad ang nakahibalo na angot sa insidente. | Aksyon Dorel Cabatu via Aksyon Hotline

What’s your Reaction?
+1
0
+1
0
+1
0
+1
0
+1
0
+1
0
+1
0

HIMAMAYLAN MAY PINAKADAMO NGA DENGUE CASES SA NEG OCC

June 28, 2022

1,309 na ang kaso sang dengue hemorrhagic fever sa Negros Occidental subong nga 2022.

Sa dengue fever surveillance report sang Provincial Health Office, ini nga mga kaso ang narekord umpisa Enero 1 tubtub Hunyo 18, 2022.

Ini ang mas mataas sang 557% ikomparar sang nagligad nga 2021 sa amo man nga period.

May pinakadamo nga kaso ang Himamaylan – 142, Kabankalan – 118, San Carlos – 111, Hinigaran – 107 , kag La Carlota – 92. Nagdangat naman sa 7 ang mga nagkalamatay. Ini ang halin sa Toboso, Talisay, La Carlota, Hinigaran kag Himamaylan nga may tig-isa, samtang 2 naman sa banwa sang Calatrava. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.