Kapin 100,000 ka mga indibidwal ang target nga mabakunahan sa Negros Occidental sa tatlo ka adlaw nga national vaccination days umpisa Nobyembre 29, tubtub Desyembre 1, 2021.
Apang ginklaro ni Governor Bong Lacson nga indi na kinahanglan pa nga maghulat ang probinsiya sang national vaccination days, bangud sa karon nagapadayon man ang pagpangbakuna sa 31 ka mga banwa kag syudad.
Sa sini nga vaccination rollout, ginhatagan ang kada local government unit sang target nga 1,000 ka vaccinees kada adlaw. Una diri ginpahayag sang Malakanyang nga ang nonworking holiday sumugod Nobyembre 29 tubtub Desyembre 1 ang gintalana bilang “National COVID-19 Vaccination Days” kag maga mobilize sa ‘inoculation drive’ sang gobyerno. | Aksyon Marlon Genovea