NEGRENSE NGA TOP 2 SA CIVIL ENGINEERING EXAM, TATLO KA BESES NGA NAG REVIEW

Share on facebook
Share on google
Share on pinterest
Share on twitter
Share on print

Ginapabugal ni Charlene Grace Gelotin, 23 anyos, sang Barangay Lag-asan, syudad sang Bago, nga pagkatapos sang Civil Engineer Licensure Examination nagsulod na sa paminsaron sini nga mahimo mangin isa siya sa mga topnotchers sa board examination.

Si Gelotin ang Top 2 sa November 2021 Civil Engineering Licensure Examination.

Sa interview sang Aksyon Radyo Bacolod ginpahayag ni Gelotin nga naghimakas siya sa pag-review sang makatatlo ka beses para lamang masiguro nga mangin madinalag-on ini sa board exam kag mabayaran ang pagpangabudlay sang iya iloy nga nagasuporta sa iya.

Dugang pa ni Gelotin, ang pandemiya nga nagtuga sang asud-asud nga postponement sang board exam ang isa man sa mga nangin hangkat sa iya nga pagtuon.

Ginbulgar man ni Gelotin nga isa sa mga nangin inspirasyon sini sa pagtuon sang maayo amo ang iya pagtambong sa isa ka pa indis-indis sa Isla sang Panay kun sa diin iya nabatyagan nga daw kaangay lamang nga siya ang wala may namang-an kun ikumparar sa iban niya nga kasungpong.

Ginpahayag man ni Gelotin nga sa pagwa niya sa examination room iya sini nabatyagan nga na-perfect niya ang ika-duha nga exam kag mahimo may isa ukon duha gid lamang nga sala sa ika-tatlo nga exam.

Ginahalad naman ni Gelotin ang iya nga naangkon nga pasidungog sa iya iloy nga isa ka manunudlo sa University of Negros Occidental-Recoletos.

Si Gelotin ang naggradwar man sa UNO-Recoletos sa kuros nga Bachelor of Science in Civil Engineering. | Aksyon John Diaz

What’s your Reaction?
+1
1
+1
4
+1
0
+1
0
+1
0
+1
0
+1
0

ISA PATAY, LIMA PILASON SANG NAGLUPOK ANG GOMA SANG CANTER KAG NAGBUNGO SA TRICYCLE

Isa ang patay kag lima ang pilason sa aksidente nga nagluntad sa National Highway nga sakop sang Brgy. San Juan, banwa sang Pontevedra.

Suno kay Police Staff Sergeant Genesis Beñas, traffic investigator sang Pontevedra PNP, imbolbado sa aksidente ang isa ka Mitsubishi Canter kag traysikol nga gikan sa magkatuhay nga direksyon.

Ang Mitsubishi Canter nga ginamaneho ni Nolito Montebon, 42 anyos, sang Purok Boulevard, Brgy. 14 syudad sang Bacolod samtang ang traysikol ginamaneho naman ni Rogin delos Pobres, 34 ang edad.

Duha ang pasahero sang traysikol kag duha man ang pahinante sang canter.

Suno kay Beñas, naglupok ang goma sa wala nga bahin sang canter kag nag-agaw sa linya sang traysikol.

Bangud sang impact, nagderetso sa sementado nga pader ang traysikol samtang nagderetso naman sa steel gate sang isa ka balay ang canter kag nawasak ang uluhan sang salakyan.

Dead on arrival sa ospital ang isa sa mga sakay sang traysikol nga ginkilala kay Joselyn Madalag, legal ang edad.

Ang mga pilason ang padayon naman nga ginabulong sa ospital sa syudad sang La Carlota.

Sa imbestigasyon sang kapulisan, nahibaloan nga madasig ang pagpadalagan sang drayber sang canter antis pa man nagluntad ang aksidente.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.