Nag-abot subong nga adlaw Hunyo 23, 2021 ang dugang nga 10,000 vials sang Sinovac vaccines para sa Negros Occidental.
Ini ang nasulod sa pito ka mga boxes , nag-abot sa Bacolod-Silay Airport alas 8:30 kaina sang aga kag gindala sa cold room facility sang gobyerno probinsiyal.
Ang bakuna ginapadala sang gobyerno nasyonal paagi sa Department of Health.
Ini ang paga usaron sa nagapadayon nga province-wide vaccination sa Negros Occidental.
Una diri ginpahayag ni Governor Bong Lacson nga may maayo na nga ‘vaccination compliance’ ang probinsiya, bangud sa provincewide vaccination nga gin-umpisahan.
Samtang, ang Bacolod nag nagbaton man sang 15,000 doses sang Sinovac vaccines subong nga adlaw, Myerkules.