NEGROS OCCIDENTAL MAY 15 KA BAG-O NGA DRUG-CLEARED BARANGAYS

Share on facebook
Share on google
Share on pinterest
Share on twitter
Share on print
(PDEA Region VI FB Photo | November 23, 2021)

Gindeklarar nga drug-cleared ang 15 ka mga barangay sa probinsya sang Negros Occidental.

Suno kay Shey Tanaleon, Spokesperson sang Philippine Drug Enforcement Agency (PDEA)-6, ang probinsya sang Negros Occidental ang may pinakamadamo nga bag-o nga gindeklarar nga drug cleared barangay sa Western Visayas.

Sa deliberation sang Regional Oversight Committee kahapon, ginhatag sang certificate bilang mga drug cleared barangay ang Brgy. 5, Cadiz; Brgy. Banqueruhan, Cadiz; Brgy. Man-uling, Cauayan; Brgy. Nanca, EB Magalona; Brgy. Tabigue, EB Magalona; Brgy. Cansalongon, Isabela; Brgy. Maytubig, Isabela; Brgy. Tampalon, Kabankalan; Brgy. Tapi, Kabankalan; Brgy. 1, Manapla; Brgy. Andres Bonifacio, Sagay; Brgy. Gen. Luna, Sagay; Brgy. 4, San Carlos; Brgy. Nabulao, Sipalay kag Brgy. Palaka, Valladolid.

Suno kay Tanaleon, wala sang may na deklarar nga bag-o nga drug cleared barangay sa syudad sang Bacolod bangud nga kulang pa ang ila nga requirements.

Pagpaathag ni Tanaleon, may nag-apply nga barangay sa Bacolod apang kinahanglan pa nga makatapos sa community-based rehabilitation program ang mga sadto anay drug personalities sa natungdan nga barangay.

Sa kabilugan, 36 ka mga barangay sa Western Visayas ang gindeklarar nga drug cleared barangay sang Regional Oversight Committee kun sa diin 13 diri ang sa probinsya sang Capiz, anum sa probinsya sang Iloilo kag duha sa probinsya sang Guimaras. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.